വിദ്യാർഥിനിയുടെ മാല പൊട്ടിക്കാൻ ശ്രമം; യുവാവ് അറസ്​റ്റിൽ

ചാരുംമൂട്: താമരക്കുളം പച്ചക്കാട് ജങ്​ഷന് സമീപം വിദ്യാർഥിനിയുടെ മാല പൊട്ടിക്കാൻ ശ്രമിച്ച യുവാവ് അറസ്​റ്റിൽ. ഭരണിക്കാവ് പള്ളിക്കൽ നടുവിലേമുറി ലക്ഷം വീട് കോളനി കൊടുവരയ്യത്ത് തെക്കതിൽ പ്രവീണിനെയാണ് (27) നൂറനാട് സി.ഐ സി.ആർ. ജഗദീഷും സംഘവും അറസ്​റ്റ്​ ചെയ്തത്. കഴിഞ്ഞ ദിവസം രാവിലെ 11 ഓടെയായിരുന്നു സംഭവം. ബൈക്കിൽ വന്ന ഇയാൾ മാല പൊട്ടിച്ചെങ്കിലും മുടിയിൽ കുരുങ്ങിയതിനാൽ കൊണ്ടുപോകാനായില്ല. ആളുകൾ ഓടിയെത്തിയപ്പോഴേക്കും കടന്നുകളഞ്ഞു. സി.സി ടി.വി ദൃശ്യങ്ങൾ പരിശോധിച്ചാണ്​ പൊലീസ് ആളെ തിരിച്ചറിഞ്ഞത്​. . ഫോട്ടോ: വിദ്യാർഥിനിയുടെ മാല പൊട്ടിക്കാൻ ശ്രമിക്കവേ അറസ്​റ്റിലായ പ്രവീൺ