വെൽഫെയർ പാർട്ടി നേതാക്കൾക്ക് ജാമ്യം

ആലപ്പുഴ: ഇന്ധന വിലവർധനക്കെതിരെ വെൽഫെയർ പാർട്ടി പുന്നപ്രയിൽ നടത്തിയ ദേശീയ പാത ഉപരോധത്തിൽ ജാമ്യമില്ല വകുപ്പുകൾ ചുമത്തി എടുത്ത കേസിൽ നേതാക്കൾക്ക്​ ജാമ്യം. നേതാക്കളായ വി.എ. അബൂബക്കർ, മോഹൻ സി. മാവേലിക്കര, എം.എച്ച്. ഉവൈസ്, നാസർ ആറാട്ടുപുഴ, ശ്രീകല ഗോപി, എം. അബ്​ദുൽ ലത്തീഫ്, സുഭദ്രാമ്മ തോട്ടപ്പള്ളി, ബീന നാസർ, റഷീദ്‌ നീർക്കുന്നം, രുക്​മിണി, ഫ്ര​േറ്റണിറ്റി നേതാക്കളായ ഇജാസ് ഇഖ്ബാൽ, സിയാഹുൽ ഹഖ് എന്നിവർക്കാണ് ഉപാധികളോടെ ജാമ്യം അനുവദിച്ചത്. എം. താഹ കോടതിയിൽ ഹാജരായി.