കരാട്ടേ ചാമ്പ്യൻഷിപ്

ചേർത്തല: ജില്ല കരാട്ടേ അസോസിയേഷൻ നേതൃത്വത്തിൽ 41ാം ജില്ല ചാമ്പ്യൻഷിപ് സംഘടിപ്പിച്ചു. ചേർത്തല സൻെറ്​ ആൻസ് പബ്ലിക് സ്കൂളിൽ നടന്ന ചാമ്പ്യൻഷിപ് ചേർത്തല ഡിവൈ.എസ്.പി ടി.ബി. വിജയൻ ഉദ്ഘാടനം ചെയ്തു. വൈസ് പ്രസിഡൻറ്​ ആർ. സൂരജ് അധ്യക്ഷത വഹിച്ചു. വൈകീട്ട് നടന്ന സമാപനസമ്മേളനം ജില്ല സ്പോർട്​സ്​ കൗൺസിൽ സെക്രട്ടറി എൻ. പ്രദീപ് കുമാർ ഉദ്ഘാടനം ചെയ്തു. ജില്ല ഒളിമ്പിക് അസോസിയേഷൻ പ്രസിഡൻറ്​ വി.ജി. വിഷ്ണു സമ്മാനദാനം നിർവഹിച്ചു. ചന്ദ്രശേഖരപ്പണിക്കർ, വിനോദ്, ബിജു കാർട്ടിൽ, രമേഷ് പൈ, സാംസൺ എന്നിവർ സംസാരിച്ചു.