സംവരണം: രാഷ്​ട്രീയത്തിനതീതമായ നിലപാടെന്ന്​ മണ്ണാൻ സഭ

ആലപ്പുഴ: സംവരണം ഉൾപ്പെടെയുള്ള വിഷയങ്ങളിൽ രാഷ്​ട്രീയത്തിന്​ അതീതമായി നിലപാട് സ്വീകരിക്കുമെന്ന് കേരള മണ്ണാൻ സഭ ജില്ല പ്രവർത്തകയോഗം. ജില്ല പ്രസിഡൻറ്​ പ്രഫസർ പി.കെ. ഗോപിനാഥ​ൻെറ അധ്യക്ഷതയിൽ കൂടിയ യോഗം സംസ്ഥാന പ്രസിഡൻറ്​ പി.കെ. സോമൻ ഉദ്‌ഘാടനം ചെയ്തു. ജനറൽ സെക്രട്ടറി എം.എൻ. മധു സംഘടന റിപ്പോർട്ട് അവതരിപ്പിച്ചു. സംസ്ഥാന വൈസ് പ്രസിഡൻറ്​ സജന എസ്., ട്രഷറർ കെ.പി. ബാലൻ, ജില്ല സെക്രട്ടറി കെ. വിദ്യാധരൻ, ജ്യോതി രാധാകൃഷ്ണൻ, മോഹനൻ നൂറനാട്, ഗോപി പാവുക്കര, രമ ഗോപിനാഥ്, വേണു മഹാദേവിക്കാട്, എം.ആർ. ഷാജി എന്നിവർ സംസാരിച്ചു.