അനധികൃത വയറിങ്​ അവസാനിപ്പിക്കണം -മന്ത്രി സജി ചെറിയാൻ

ചെങ്ങന്നൂർ: ലൈസൻസും സാങ്കേതിക പരിജ്ഞാനവും ഇല്ലാത്തവർ വയറിങ്​ ജോലികൾ ഏറ്റെടുത്ത് ചെയ്യുന്നത് അവസാനിപ്പിക്കണമെന്ന് മന്ത്രി സജി ചെറിയാൻ. കേരള ഇലക്ട്രിക്കൽ വയർമെൻ ആൻഡ് സൂപ്പർവൈസേഴ്സ് അസോസിയേഷൻ (കെ.ഇ.ഡബ്ല്യു.എസ്.എ) ജില്ല സമ്മേളനം ചെങ്ങന്നൂർ മുണ്ടൻകാവിൽ ഉദ്ഘാടനം ചെയ്യുകയായിരുന്നു അദ്ദേഹം. ജില്ല പ്രസിഡൻറ്​ ആർ. രാജീവ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി എം. മുജീബ് റഹ്‌മാൻ പ്രദർശന സ്​റ്റാളുകൾ ഉദ്ഘാടനം ചെയ്​തു. സംസ്ഥാന പ്രസിഡൻറ്​ സി.ടി. ലാൻസൺ മുഖ്യപ്രഭാഷണം നടത്തി. പടം: കേരള ഇലക്ട്രിക്കൽ വയർമെൻ ആൻഡ്​ സൂപ്പർ വൈസേഴ്സ് അസോസിയേഷൻ ജില്ല സമ്മേളനം ചെങ്ങന്നൂരിൽ മന്ത്രി സജി ചെറിയാൻ ഉദ്ഘാടനം ചെയ്യുന്നു