സംവാദ സദസ്സ്​ സംഘടിപ്പിച്ചു

പൂച്ചാക്കൽ: ജമാഅത്തെ ഇസ്​ലാമി ചേർത്തല ഏരിയ കമ്മിറ്റി പൂച്ചാക്കൽ കമ്യൂണിറ്റി ഹാളിൽ സംഘടിപ്പിച്ച സംവാദ സദസ്സ്​ വിവിധ മതസമുദായങ്ങൾക്കിടയിലുള്ള സൗഹൃദ സദസ്സായി. 'ഇസ്​ലാം ആശയ സംവാദത്തി​ൻെറ സൗഹൃദ നാളുകൾ' കാമ്പയി​ൻെറ ഭാഗമായി സംഘടിപ്പിച്ച പരിപാടിയിൽ ഡോ. ഇ.എം. സക്കീർ ഹുസൈൻ മുഖ്യപ്രഭാഷണം നടത്തി. പൂർവികരുടെ കാലം മുതൽ ആരോഗ്യകരമായ സംവാദങ്ങൾ നടന്നിട്ടുണ്ടെന്നും അതി​ൻെറ ശോഭയിലാണ് കേരളം പടുത്തുയർത്തപ്പെട്ടിരിക്കുന്നതെന്നും അദ്ദേഹം പറഞ്ഞു. ഏരിയ പ്രസിഡ​ൻറ്​ വി.എ. അമീൻ ഉദ്ഘാടനം ചെയ്തു. സെക്രട്ടറി ടി.എ. ബിനാസ് അധ്യക്ഷതവഹിച്ചു. കാമ്പയിൻ കൺവീനർ എം.എം. ഷിഹാബുദ്ദീൻ, ജില്ല സമിതി അംഗം ഹുസൈബ് വടുതല, എ.യു. മനാഫ്, സദറുൽ ഇസ്‌ലാം തുടങ്ങിയവർ സംസാരിച്ചു. ചിത്രം: സംവാദ സദസ്സിൽ ഡോ. ഇ.എസ്. സക്കീർ ഹുസൈൻ സംസാരിക്കുന്നു