വീടുകളിൽ കുടുങ്ങിയവരെ അഗ്​നിരക്ഷാസേന രക്ഷിച്ചു

lead package മാവേലിക്കര: അച്ചന്‍കോവിലാറ്റില്‍ ജലനിരപ്പ് ഉയര്‍ന്ന് വീടുകളിൽ വെള്ളം കയറി കുടുങ്ങിയവരെ അഗ്​നിരക്ഷാസേന രക്ഷിച്ചു. തഴക്കര പഞ്ചായത്ത് ഒമ്പതാം വാര്‍ഡ് വെട്ടിയാര്‍കുന്നം കോളനി, പള്ളിയറക്കാവ് ക്ഷേത്രത്തിന് സമീപം ഭാഗങ്ങളിലുള്ള 60 പേരെയും നിരവധി വളര്‍ത്തുമൃഗങ്ങളെയുമാണ് അഗ്​നിരക്ഷാസേന പുറത്തെത്തിച്ചത്. ഡിങ്കി ബോട്ട് ഉപയോഗിച്ചായിരുന്നു രക്ഷാപ്രവര്‍ത്തനം. ഇതിനിടെ വെട്ടിയാര്‍ ലത ഭവനത്തില്‍ നിഷയുടെ വീട് തകര്‍ന്നു. മാവേലിക്കര സ്​റ്റേഷൻ ഓഫിസർ ജയദേവൻ, അസി. സ്​റ്റേഷൻ ഓഫിസര്‍ സുനില്‍, അഗ്​നിരക്ഷാസേന ഓഫിസര്‍മാരായ രാഹുല്‍, ഷമീര്‍, ഇര്‍ഷാദ്, ആദര്‍ശ്, എം.എസ്. ഷമീര്‍, ഷാജന്‍, പ്രശാന്ത്, വിനീത്, സനല്‍, വിനേഷ്, പ്രദീപ്, രാജന്‍പിള്ള എന്നിവര്‍ രക്ഷാപ്രവർത്തനത്തിന്​ നേതൃത്വം നൽകി. ```````````````````````````` ചിത്രം വെട്ടിയാര്‍കുന്നം കോളനിയില്‍ കുടുങ്ങിക്കിടന്നവരെ അഗ്​നിരക്ഷാസേന ഡിങ്കി ബോട്ട് ഉപയോഗിച്ച് രക്ഷപ്പെടുത്തിയപ്പോള്‍