ചെറിയനാട്ടെ കാർഷിക വിപണന കേന്ദ്രം: എതിർപ്പുമായി സി.പി.ഐ

leadddddddd പിന്നിൽ വികസനവിരോധികളെന്ന്​ വികസന സ്​ഥിരം സമിതി അധ്യക്ഷൻ വി.കെ. വാസുദേവൻ ആരോപിച്ചു ചെറിയനാട്: എൽ.ഡി.എഫ് ഭരിക്കുന്ന ചെറിയനാട് പഞ്ചായത്തിൽ പഞ്ചായത്ത് ഓഫിസ് നിർമിക്കേണ്ട സ്ഥലത്ത്​ കാർഷിക വിപണന കേന്ദ്രം നിർമിക്കാൻ തീരുമാനിച്ചതിനെതിരെ ഭരണപക്ഷമായ സി.പി.ഐ രംഗത്ത്​. ഡി.പി.ആർ ചർച്ച ചെയ്യാൻ ചേർന്ന ഗ്രാമ പഞ്ചായത്ത് കമ്മിറ്റി യോഗത്തിൽ സി.പി.ഐ അംഗങ്ങൾ ഉൾപ്പെടെ ആറ്​ പേർ വിയോജനക്കുറിപ്പെഴുതി. ഇതോടെ സി.പി.എം പ്രതിരോധത്തിലായി. സി.പി.ഐ അംഗങ്ങളായ ഷൈനി ഷാനവാസ്, ബിജു രാഘവൻ, കോൺഗ്രസ് അംഗങ്ങളായ ശ്രീകുമാരി മധു, എം.രജനീഷ്, ബി.ജെ.പി അംഗം പി.കെ. പ്രസന്നകുമാരി, സ്വതന്ത്ര അംഗം രജിത രാജൻ എന്നിവരാണ്​ വിയോജനം രേഖപ്പെടുത്തിയത്. 15 അംഗ ഭരണസമിതിയിൽ സി.പി.എം-എട്ട്​, സി.പി.ഐ -രണ്ട്​, കോൺഗ്രസ്-രണ്ട്​, ബി.ജെ.പി-ഒന്ന്​, സ്വതന്ത്രർ -രണ്ട്​ എന്നിങ്ങനെയാണ്​ കക്ഷിനില. ഒൻപത്​ അംഗങ്ങൾ തീരുമാനത്തോട്​ യോജിച്ചു. നേരത്തേ പടനിലം ജങ്​ഷന്​ സമീപം വാങ്ങിയ 24 സൻെറ്​ സ്ഥലത്ത്, നിലവിലെ പഞ്ചായത്ത് ഓഫിസിന് സ്ഥലസൗകര്യം കുറവായതിനാൽ പുതിയ ഓഫിസ് നിർമിക്കാനായി 2015-2020 കാലത്തെ ഭരണസമിതി ഡി.പി.ആർ തയാറാക്കിയിരുന്നു. എന്നാൽ, കഴിഞ്ഞ ആഗസ്​റ്റിൽ ചേർന്ന പഞ്ചായത്ത് കമ്മിറ്റിയിൽ ഇവിടെ നബാർഡിൽനിന്ന്​ തുക കണ്ടെത്തി കാർഷിക വിപണന കേന്ദ്രം പണിയാൻ തീരുമാനമെടുത്തു. തീരുമാനത്തിൽ വിയോജനക്കുറിപ്പ് രേഖപ്പെടുത്തി കോൺഗ്രസ് പാർലമൻെററി പാർട്ടി നേതാവ്​ എം. രജനീഷ് , അംഗം ശ്രീകുമാരി മധു എന്നിവർ ഇറങ്ങിപ്പോയിരുന്നു. സർക്കാറിനോട്​ വില നൽകി വാങ്ങിയ 24 സൻെറ്​ സ്ഥലത്ത് ആധുനിക രീതിയിൽ പഞ്ചായത്ത് ഓഫിസ്, കാർഷിക ബാങ്ക്, കാർഷിക വിപണന കേന്ദ്രം എന്നിവ ഉൾപ്പെടുന്ന കെട്ടിടസമുച്ചയം നിർമിക്കാനാണ്​ പദ്ധതി. പഞ്ചായത്തി​ൻെറ സമഗ്ര വികസനത്തിന്​ തടയിടുന്ന വികസനവിരോധികളുടെ ഗൂഢനീക്കമാണ് എതിർപ്പിന്​ പിന്നിലെന്ന്​ വികസന സ്​ഥിരം സമിതി അധ്യക്ഷൻ വി.കെ. വാസുദേവൻ ആരോപിച്ചു. പഞ്ചായത്ത് ഓഫിസ് നിർമിക്കണമെന്ന പാർട്ടി നിലപാട് പ്രകാരമാണ്​ വിയോജനക്കുറിപ്പ് രേഖപ്പെടുത്തിയതെന്നും മുൻ ഭരണസമിതിയുടെ കാലത്തും ഇതേ നിലപാട് തന്നെയാണ്​ സ്വീകരിച്ചതെന്നും സി.പി.​െഎ അംഗം ബിജു രാഘവൻ വ്യക്​തമാക്കി. ---------- സാമൂഹ്യ പ്രതിരോധ ദിനം ആചരിച്ചു ആലപ്പുഴ: ജില്ല പ്രൊബേഷന്‍ ഓഫിസി‍ൻെറയും, സാമൂഹ്യനീതി വകുപ്പി‍ൻെറയും ആഭിമുഖ്യത്തില്‍ സാമൂഹ്യ പ്രതിരോധ ദിനം ആചരിച്ചു. ആലപ്പുഴ പ്രിന്‍സിപ്പല്‍ ജില്ല സെഷന്‍സ് ജഡ്​ജിയും ജില്ല ലീഗല്‍ സര്‍വിസസ് അതോറിറ്റി ചെയര്‍പേഴ്‌സനുമായ കെ.കെ. സുജാത ഉദ്ഘാടനം ചെയ്​തു. ജില്ല ലീഗല്‍ സര്‍വിസസ് അതോറിറ്റി സെക്രട്ടറി സബ് ജഡ്​ജ്​ ജലജ റാണി അധ്യക്ഷത വഹിച്ചു. ജില്ല പൊലീസ് മേധാവി ജി. ജയദേവ് എന്നിവർ സംബന്ധിച്ചു. പ്രൊബേഷന്‍ സംവിധാനവും നേര്‍വഴി പദ്ധതിയും എന്ന വിഷയത്തില്‍ ജില്ല സാമൂഹ്യനീതി ഓഫിസര്‍ എ.ഒ. അബീനും, പ്രൊബേഷന്‍ ഓഫിസ് വഴി നടപ്പാക്കുന്ന വിവിധ ധനസഹായ പദ്ധതികള്‍ എന്ന വിഷയത്തില്‍ കെ. സനു ബാലനും ക്ലാസെടുത്തു. പ്രോസിക്യൂഷന്‍ ഡെപ്യൂട്ടി ഡയറക്ടര്‍ കെ. അനില്‍ കുമാര്‍, എക്‌സൈസ് അസി. കമീഷണര്‍ സി.പി. വേണുക്കുട്ടന്‍, ജില്ല ജയില്‍ സൂപ്രണ്ട് ശ്രീകുമാര്‍, ബാര്‍ അസോസിയേഷന്‍ പ്രസിഡൻറ്​ കെ. ജയകുമാര്‍ എന്നിവര്‍ സംസാരിച്ചു. ജില്ല പ്രൊബേഷന്‍ ഓഫിസര്‍ എസ്. ഷാജഹാന്‍, അഡീഷനല്‍ പ്രൊബേഷന്‍ ഓഫിസര്‍ ജി. സന്തോഷ് എന്നിവര്‍ പങ്കെടുത്തു.