റവന്യൂ ജീവനക്കാർ നാടി​െൻറ കാവലാളാകണം -പി. പ്രസാദ്

റവന്യൂ ജീവനക്കാർ നാടി​ൻെറ കാവലാളാകണം -പി. പ്രസാദ് ചേർത്തല: അവശേഷിക്കുന്ന തണ്ണീർത്തടങ്ങളും നെൽവയലുകളും നിലനിർത്തി നാടിനെ സംരക്ഷിക്കുന്ന കാവലാളായി ഓരോ റവന്യൂ ജീവനക്കാരനും മാറണമെന്ന് മന്ത്രി പി. പ്രസാദ്. ചേർത്തല എൻ.എസ്.എസ് യൂനിയൻ ഹാളിൽ കേരള റവന്യൂ ഡിപ്പാർട്​മൻെറ്​ സ്​റ്റാഫ്​ അസോ. ജില്ല സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. നെൽവയൽ തണ്ണീർത്തട സംരക്ഷണനിയമം നിലവിലുണ്ടെങ്കിലും അത് പാലിക്കപ്പെടാൻ നമ്മൾ ജാഗരൂകരാകണം. തണ്ണീർത്തടങ്ങൾ ഇല്ലാതായാൽ സർവനാശത്തിലേക്കാണ്​ നാട് പോകുന്നത്. നാടി​ൻെറ ദുരന്തത്തിന് കാരണം ആവാസവ്യവസ്ഥയിലുണ്ടായ മാറ്റമാണ്. റവന്യൂ ജീവനക്കാർ ഇക്കാര്യത്തിൽ അൽപമൊന്നു കണ്ണടച്ചാൽ വലിയ ദുരന്തമായിരിക്കും ഫലമെന്നും മന്ത്രി പറഞ്ഞു. കെ.ആർ.ഡി.എസ്.എ ജില്ല പ്രസിഡൻറ്​ വി. തങ്കച്ചൻ അധ്യക്ഷതവഹിച്ചു. ജോയൻറ്​ കൗൺസിൽ സംസ്ഥാന വൈസ് ചെയർപേഴ്സൻ ആർ. ഉഷ, സംസ്ഥാന സെക്രട്ടറി പി.എസ്. സന്തോഷ്കുമാർ, സംസ്ഥാന സെക്ര​േട്ടറിയറ്റ്​ അംഗം എം.എം നജീം, ജില്ല സെക്രട്ടറി വി.എസ്. സൂരജ്, എൻ.എസ് ശിവപ്രസാദ് എന്നിവർ സംസാരിച്ചു.