പൂർവവിദ്യാർഥി സംഗമം

പൂച്ചാക്കൽ: തേവർവട്ടം ഗവ. ഹൈസ്കൂളിൽ 1986 ലെ എസ്.എസ്.എൽ.സി ബാച്ച്​ വിദ്യാർഥികൾ ഒത്തുചേർന്നു. പൂർവ അധ്യാപകൻ പൂച്ചാക്കൽ ഷാഹുൽ സംഗമം ഉദ്ഘാടനം ചെയ്തു. സിനിമാതാരം ബൈജു എഴുപുന്ന മുഖ്യാതിഥിയായി. മുൻ അധ്യാപകരായ അപ്പുക്കുട്ടൻ നായർ, ശ്രീവത്സലൻ, ഷണ്മുഖൻ, ഷറഫുദ്ദീൻ, രാധാമണി എന്നിവരെയും രാഷ്​ട്രപതിയുടെ പൊലീസ് മെഡൽ ജേതാവ് സഹപാഠി നാസറിനെയും മികച്ച അംഗൻവാടി ടീച്ചർക്കുള്ള സംസ്ഥാന അവാർഡ് കരസ്ഥമാക്കിയ സഹപാഠി ഇന്ദിരയെയും ആദരിച്ചു. സിന്ധു സുധാകരൻ അധ്യക്ഷത വഹിച്ചു. ശ്രീകുമാർ പൂച്ചാക്കൽ, അജിമോൻ എന്നിവർ സംസാരിച്ചു. വിവിധ കലാപരിപാടികളും നടന്നു. ചിത്രം: തേവർവട്ടം ഗവ. ഹൈസ്കൂളിൽ പൂച്ചാക്കൽ ഷാഹുൽ ഉദ്ഘാടനം ചെയ്യുന്നു