ഉൾനാടൻ കായലുകളിൽ പായൽ ഒഴിയുന്നില്ല

അരൂർ: ഉൾനാടൻ കായലുകളിൽനിന്ന് പായൽ ഒഴിയുന്നില്ല. വേമ്പനാട്ടുകായലി​ൻെറ മുകൾപ്പരപ്പിൽ കുളവാഴക്കൂട്ടങ്ങൾ ഒഴിഞ്ഞെങ്കിലും ചീഞ്ഞ്​ താഴേക്ക്​ അടിയുന്ന പായൽ മത്സ്യബന്ധനത്തിന് തടസ്സമാണ്​. ഊന്നിവലകളിൽ കുരുങ്ങുന്ന പായൽക്കൂട്ടം വലകളെയും ഊന്നിക്കുറ്റികളെയും നശിപ്പിക്കുന്നു. പായൽക്കൂട്ടങ്ങൾ ഇടത്തോടുകളിലും വീതികുറഞ്ഞ കായലുകളിലും ഇടതൂർന്ന്​ വളരുകയാണ്. ഇടക്കിടെ ഉണ്ടാകുന്ന ചെറിയമഴയും കടുത്ത വെയിലും പായൽ വളർച്ചക്ക്​ അനുകൂലമാണ്. വെളുത്തുള്ളി, കുറുമ്പി, കുമ്പളങ്ങി, കാക്കത്തുരുത്ത് ഉൾനാടൻ കായലുകളിൽ തിങ്ങിനിറഞ്ഞ പായൽക്കൂട്ടം കായലി​ൻെറ അടിത്തട്ടിലേക്ക് ഓക്സിജൻ കടത്തിവിടാതെ മത്സ്യസമ്പത്തിന് നാശം ഉണ്ടാക്കുന്നു. മാത്രമല്ല, കടത്തുവള്ളങ്ങളുടെ യാത്രയും മത്സ്യത്തൊഴിലാളികളുടെ ഉപകരണങ്ങളെയും പായൽക്കൂട്ടം നാശത്തിലാക്കും. കോവിഡ് വ്യാപനം തഴുപ്പിലും കാക്കത്തുരുത്തിലും ഉണ്ടായിരുന്ന കായൽ വിനോദസഞ്ചാരത്തെ പ്രതിസന്ധിയിലാക്കി. ചിത്രം വെളുത്തുള്ളി കായലിൽ തിങ്ങിനിറഞ്ഞ പായൽക്കൂട്ടം