കട്ടപ്പുറത്തെ വാഹനമിറക്കാൻ 'പായസചലഞ്ച്​'

അരൂക്കുറ്റി: വടുതല ജെട്ടി മറ്റത്തിൽ ഭാഗം ഗവ. എൽ.പി സ്കൂളിലെ വണ്ടികൾ ഓടിക്കാൻ കടമ്പകളേറെ. നാൽപതും ഇരുപതും കുട്ടികളെ കയറ്റാവുന്ന രണ്ട് വണ്ടികളാണ് സ്കൂളിലുള്ളത്​. 2016-17ലെ അഡ്വ. എ.എം. ആരിഫി​ൻെറ ആസ്തിവികസന ഫണ്ടിൽനിന്നാണ് ഒരു വണ്ടി വാങ്ങിയത്. രണ്ടാമത്തേത് സ്കൂളിലെ അധ്യാപകർ പണംമുടക്കി വാങ്ങിയതാണ്. സ്​കൂൾ ബസിറക്കാൻ പായസ ചലഞ്ചിന് ഒരുങ്ങുകയാണ് സ്കൂൾ അധികാരികൾ. അറ്റകുറ്റപ്പണി, ഇൻഷുറൻസ്, ജി.പി.എസ് ഘടിപ്പിക്കൽ എന്നിവക്കായി രണ്ടുലക്ഷത്തോളം രൂപ ക​െണ്ടത്തണം. പണം കണ്ടെത്താനുള്ള മാർഗമെന്ന നിലയിലാണ്​ സ്കൂൾ മാനേജ്‌മൻെറ്​ കമ്മിറ്റി ഈമാസം 28ന്​ പായസ ചലഞ്ച്​ നടത്താൻ തീരുമാനിച്ചത്​. 2000 ലിറ്റർ പായസം വീടുകളിൽ എത്തിച്ച് തുക സമാഹരിക്കും. ആലോചന യോഗത്തിൽ ചെയർമാൻ കെ.എം. അബ്ുൽ ഖാദർ അധ്യക്ഷതവഹിച്ചു. പ്രധാനാധ്യാപകൻ പി.ഡി. ജോഷി, അധ്യാപക പ്രതിനിധികളായ എം.കെ. അബ്​ദുൽ റഹുമാൻ, വിദ്യാകുമാരി, എസ്.എം.സി അംഗങ്ങളായ കെ.പി. കബീർ, ശശിധരൻ നായർ, വിനു ബാബു, സിമി, അനീഷ, നൗഫർ, ജിജു കുട്ടൻ, എം.പി.ടി.എ അംഗങ്ങളായ അനുമോൾ, പ്രവിത തുടങ്ങിയവർ സംസാരിച്ചു. ചിത്രം : എം.എൽ.എയുടെ ആസ്തി വികസന ഫണ്ടിൽ ഉൾപ്പെടുത്തി വാങ്ങിയ സ്കൂൾ വാഹനം