സജീവ​െൻറ തിരോധാനം: സി.പി.എമ്മി​െൻറ പങ്ക് അന്വേഷിക്കണം -ബി.ജെ.പി

സജീവ​ൻെറ തിരോധാനം: സി.പി.എമ്മി​ൻെറ പങ്ക് അന്വേഷിക്കണം -ബി.ജെ.പി അമ്പലപ്പുഴ: തോട്ടപ്പള്ളിയിലെ മത്സ്യത്തൊഴിലാളി സജീവ​ൻെറ തിരോധാനത്തിൽ സി.പി.എമ്മി​ൻെറയും കരിമണൽ ലോബിയുടെയും പങ്ക് അന്വേഷിക്കണമെന്നും സി.പി.എം നേതാക്കളെ ശാസ്ത്രീയ പരിശോധനക്ക് വിധേയമാക്കണമെന്നും ബി.ജെ.പി തിരുവനന്തപുരം മേഖല പ്രസിഡൻറ്​ കെ. സോമൻ ആവശ്യപ്പെട്ടു. തിരോധാനം സി.ബി.ഐ അന്വേഷിക്കണമെന്ന്​ ആവശ്യപ്പെട്ട്​ അമ്പലപ്പുഴ നിയോജകമണ്ഡലം കമ്മിറ്റി കച്ചേരിമുക്കിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. മണ്ഡലം പ്രസിഡൻറ്​ വി. ശ്രീജിത് അധ്യക്ഷതവഹിച്ചു. ജില്ല ജനറൽ സെക്രട്ടറി പി.കെ. വാസുദേവൻ മുഖ്യപ്രഭാഷണം നടത്തി. കൊട്ടാരം ഉണ്ണികൃഷ്ണൻ, എൽ.പി. ജയചന്ദ്രൻ, കെ. പ്രദീപ്‌, വി. ബാബുരാജ്, അജു പാർഥസാരഥി എന്നിവർ സംസാരിച്ചു.