കിണറ്റിൽ വീണ വയോധികനെ പൊലീസ് രക്ഷപ്പെടുത്തി

മാവേലിക്കര: ആൾത്താമസമില്ലാത്ത വീട്ടുവളപ്പിലെ കിണറ്റിൽ കാൽവഴുതി വീണ വയോധികനെ പൊലീസ് രക്ഷപ്പെടുത്തി. അറുനുറ്റിമംഗലം വല്യത്ത് പടീറ്റതിൽ സോമൻ വർഗീസ് (76) ആണ് വ്യാഴാഴ്ച വൈകീട്ട് ആറ് മണിയോടെ കിണറ്റിൽ വീണത്. സ്ഥലത്തെത്തിയ കുറത്തികാട് സ്​റ്റേഷനിലെ എസ്.ഐ സീനുമോനും സി.പി.ഒ ഗംഗപ്രസാദും ചേർന്ന് കിണറ്റിൽ ഇറങ്ങി രക്ഷപ്പെടുത്തുകയായിരുന്നു. മാവേലിക്കര ജില്ല ആശുപ്രതിയിൽ പ്രവേശിപ്പിച്ചു. ഫോട്ടോ: കിണറ്റിൽ കാൽ വഴുതി വീണ വയോധികനെ പൊലീസ് രക്ഷപ്പെടുത്തുന്നു