കെ.എസ്​.ആർ.ടി.സി പണിമുടക്ക്​ പൂർണം; ജനം വലഞ്ഞു

ഉൾ​പ്രദേശങ്ങളിൽ യാത്ര​​േക്ലശം രൂക്ഷം ആലപ്പുഴ: ശമ്പളപരിഷ്​കരണം നടപ്പാക്കാത്തതിൽ പ്രതിഷേധിച്ച്​ കെ.എസ്​.ആർ.ടി.സി ജീവനക്കാർ നടത്തിയ പണിമുടക്കിൽ ജനം വലഞ്ഞു. ഡയസ്നോണ്‍ പ്രഖ്യാപനം തള്ളി ഭരണ-പ്രതിക്ഷ ജീവനക്കാര്‍ ഒന്നടങ്കം പണിമുടക്കിയതോടെ ഒരു ബസ്​പോലും നിരത്തിലിറക്കാനായില്ല. രണ്ടുദിവസം ജോലിക്ക്​ ഹാജരാകാത്ത ജീവനക്കാരുടെ വേതനം പിടിക്കുമെന്ന ഉത്തരവും വിലപ്പോയില്ല. ദീപാവലി അവധികഴിഞ്ഞ്​ വെള്ളിയാഴ്ച ഓഫിസുകളിലേക്കും വിദ്യാഭ്യാസ സ്ഥാപനങ്ങളിലും പോകാൻ​ ബസ് ​സ്​റ്റാൻഡിൽ എത്തിപ്പോഴാണ്​ പലരും പണിമുടക്ക്​ അറിയുന്നത്​. സ്വകാര്യ ബസുകളെയും വാഹനങ്ങളെയും ട്രെയിൻ സർവിസുകളെയും ആശ്രയിച്ചാണ്​ പലരും ലക്ഷ്യസ്ഥാനത്ത്​ എത്തിയത്​. സർക്കാർ ഓഫിസുകളിലെയും വിദ്യാഭ്യാസ സ്ഥാപനങ്ങളിലേയും ഹാജർനിലയെ പണിമുടക്ക് ബാധിച്ചു. ആലപ്പുഴ-ചങ്ങനാശ്ശേരി പാതയിൽ പലയിടത്തും വെള്ളംകയറിയതോടെ ഇരുചക്രവാഹനം അടക്കമുള്ളവക്ക്​ സഞ്ചരിക്കാനായില്ല. ഇതോടെ, കെ.എസ്​.ആർ.ടി.സി ബസി​െന ആശ്രയിക്കുന്ന കുട്ടനാട്ടിലെ ഉൾപ്രദേശങ്ങളിലടക്കം ജനങ്ങൾ വലഞ്ഞു. ജലഗതാഗത വകുപ്പി​ൻെറ ബോട്ട്​ സർവിസുകൾക്ക്​ മുടക്കമില്ലാതെ ഓടി. സമരത്തിൽ ഉൾപ്രദേശങ്ങളിലേക്കടക്കം യാത്രക്ലേശം രൂക്ഷമായിരുന്നു. ജില്ലയിലെ മിക്ക ഡിപ്പോകളിൽനിന്നും വ്യാഴാഴ്​ച അർധരാത്രി മുതൽ സർവിസുകൾ പൂർണമായും നിർത്തിവെച്ചിരുന്നു. ഇതോടെ, വെള്ളിയാഴ്ച വൈകീട്ട്​ വീടുകളിലേക്ക്​ മടങ്ങേണ്ടവരാണ്​ വഴിയിൽ കുടുങ്ങിയത്​. ഭരണപക്ഷ യൂനിയനായ എംപ്ലോയീസ് അസോസിയേഷനും ബി.എം.എസ് എംപ്ലോയീസ് സംഘും വെള്ളിയാഴ്​ചത്തെ പണിമുടക്കിൽ പങ്കാളികളായി. കോൺഗ്രസ് അനുകൂല സംഘടനയായ ടി.ഡി.എഫ് ശനിയാഴ്ചയും പണിമുടക്കും. ഇതിന് എ.ഐ.ടി.യു.സി, എഫ്.എഫ്.ജെ തുടങ്ങിയ സംഘടനകളുടെ പിന്തുണയുണ്ട്​. APL MB 01 KSRTC Bus Stand ആലപ്പുഴ കെ.എസ്​.ആർ.ടി.സി സ്​റ്റാൻഡിൽ പണിമുടക്കിനെത്തുടർന്ന്​ നിർത്തിയിട്ടിരിക്കുന്ന ബസുകൾ