ബൈക്കിൽ ചുറ്റി മാല കവരുന്ന മോഷ്​ടാവ് പിടിയിൽ

കായംകുളം: ബൈക്കിൽ കറങ്ങി നടന്ന് സ്ത്രീകളുടെ മാല കവരുന്ന ആഡംബര പ്രിയനായ മോഷ്​ടാവ് പിടിയിൽ . കരുനാഗപ്പള്ളി കുലശേഖരപുരം ആദിനാട് വടക്ക് കളത്തിൽ വീട്ടിൽ നിസാറാണ് ( 39 ) പിടിയിലായത് ഒറ്റക്ക് പോകുന്ന സ്ത്രീകളുടെ മാല കവരലാണ് ഇയാളുടെ രീതി. 27ന് പുലർച്ച പുതുപ്പള്ളി പ്രയാർ വടക്ക് ഷാപ്പ് മുക്ക് - കളീക്കശ്ശേരിൽ റോഡിൽ കൂടി നടക്കുകയായിരുന്ന സ്ത്രീയുടെ മാല കവർന്നതാണ് പിടിയിലാകാൻ കാരണം. ഓച്ചിറ ക്ഷേത്രത്തിലെ ജീവനക്കാരിയായ വനജയുടെ കഴുത്തിൽനിന്ന്​ മൂന്നു ഗ്രാമി​ൻെറ സ്വർണമാലയാണ് അപഹരിച്ചത്. വള്ളികുന്നം, ഓച്ചിറ, ശൂരനാട് തുടങ്ങിയ സ്​റ്റേഷനുകളിൽ നിരവധി മോഷണ കേസുകളിൽ പ്രതിയാണ്. കായംകുളം സി.ഐ. മുഹമ്മദ് ഷാഫിയുടെ നേതൃത്വത്തിൽ സിവിൽ പൊലീസ് ഓഫിസർമാരായ രാജേന്ദ്രൻ, സുനിൽ കുമാർ, ദീപക്, വിഷ്ണു, ഷാജഹാൻ, അനീഷ്, ഫിറോസ്, ഹാരിസ് എന്നിവരടങ്ങിയ സംഘമാണ് അറസ്​റ്റ്​ ചെയ്തത്. photo APLKY5POLICE