ഇന്ന്​ ​െപാന്നോണം; ഉത്രാടപ്പാച്ചിലിന്​ ജനമിറങ്ങി

ഉച്ചയോടെയാണ്​ കടകളും നഗരവീഥികളും സജീവമായത്​ ആലപ്പുഴ: ​കോവിഡി​ൻെറ ആലസ്യത്തിലും​ മലയാളികൾ ശനിയാഴ്​ച തിരുവോണം ആഘോഷിക്കും. തിരുവോണസദ്യയുടെ അവസാനവട്ട ഒരുക്കത്തിന്​ മുന്നോടിയായുള്ള ഉത്രാടപ്പാച്ചിലിൽ കോവിഡ്​ മാനദണ്ഡംപോലും പാലിക്കാതെയാണ്​ ജനം​ തെരുവിലിറങ്ങിയത്​. കോവിഡ്​ ഇളവ്​ അനുവദിച്ചതോടെയാണ്​ വിപണിയും ഉണർന്നത്​. വെള്ളിയാഴ്​ച രാവിലെ നഗരങ്ങൾ ശാന്തമായിരുന്നെങ്കിലും ഉച്ചയോടെ കടകളും നഗരവീഥികളും സജീവമായി. പല കടകളിലും സമൂഹ അകലംപോലും പാലിക്കാൻ കഴിഞ്ഞില്ല. തുണിക്കടകളിലും പച്ചക്കറിക്കടകളിലും പൂക്കടകളിലുമായിരുന്നു തിരക്കേറെയും. ഓണച്ചന്തകളിലും പച്ചക്കറിക്കടകളിലും സദ്യക്കാവശ്യമായ പച്ചക്കറികൾ വാങ്ങാനുള്ള തിരക്കായിരുന്നു. തു​​ണി​​ക്ക​​ട​​ക​​ളി​​ലും ഗൃ​​ഹോ​​പ​​ക​​ര​​ണ​​ശാ​​ല​​ക​​ളി​​ലും ഓ​​ഫ​​റും ഡി​​സ്കൗ​​ണ്ടും പ്ര​​തീ​​ക്ഷി​​ച്ചാണ്​ കൂടുതൽ ആളുകൾ എത്തിയത്​. തിരക്ക്​ വർധിച്ചതോടെ ചില തുണിക്കടകളിൽ ഷട്ടറുകൾ താഴ്​ത്തി നിയന്ത്രണം ഏർപ്പെടുത്തിയ ശേഷമാണ്​ ഉപഭോക്തക്കളെ കയറ്റിയത്​. വസ്​ത്രവ്യാപാരസ്ഥാപനങ്ങളിൽ നീണ്ട ക്യൂവാണ്​ അനുഭവപ്പെട്ടത്​​. വഴിച്ചേരി അടക്കമുള്ള മാർക്കറ്റിലും വഴിയോരക്കച്ചവടത്തിനും നല്ലതിരക്കായിരുന്നു. ഇതോടൊപ്പം നഗരസഭയുടെ നേതൃത്വത്തിൽ കോവിഡ്​ ബോധവത്​കരണത്തിന്​ അനൗൺസ്​മൻെറ്​ വാഹനവുമുണ്ടായിരുന്നു. സാധനങ്ങൾ വാങ്ങാനെത്തുന്നവർ സമൂഹ അകലം പാലിക്കു​ന്നുണ്ടോയെന്ന്​ ഉറപ്പാക്കാൻ പ്രത്യേകനിരീക്ഷണവും ഏർപ്പെടുത്തിയിരുന്നു. മുൻവർഷത്തേതിൽനിന്ന്​ വ്യത്യസ്​തമായി വഴിയോരക്കച്ചവടമാണ്​ പൊടിപൊടിച്ചത്​. പൊതുവിപണി​െയക്കാൾ വിലക്കുറവുള്ളതിനാലാണ് കൂടുതൽപേരും വഴിയോരസാധനങ്ങൾ വാങ്ങിക്കൂട്ടിയത്. നേര​േത്ത കിലോക്ക്​ 55 രൂപ വിലയുണ്ടായിരുന്ന പച്ച ഏത്ത​ക്കായ്​ മൂന്നുകിലോ 100 രൂപക്കാണ്​ വിറ്റത്​. തക്കാളി-20.00, മാങ്ങ-40.00, ബീൻസ്​-30.00, ചേന-30.00, പാവ​ക്ക-30.00, പടവലങ്ങ-30.00, മുരിങ്ങ-30.00 രൂപ എന്നിങ്ങനെയായിരുന്നു വില. സവാള, ഉള്ളി, കിഴങ്ങ്, പൂക്കൾ എന്നിവയെല്ലാം വിലകുറച്ചാണ്​ വിറ്റത്​. ജനറൽ ആശുപത്രി ജങ്ഷൻ, പിച്ചു അയ്യർ ജങ്ഷൻ, ഇരുമ്പുപാലം, കളർകോട്, കൊമ്മാടി, കൈചൂണ്ടി തുടങ്ങിയ ജങ്ഷനുകളിലെ വാഹനത്തിരക്ക്​ ഗതാഗതക്കുരുക്കിന്​ ഇടയാക്കി. ആൾക്കൂട്ടവും വാഹനവും വർധിച്ചതോടെ വിവിധയിടങ്ങളിൽ കൂടുതൽ പൊലീസിനെ വിന്യസിച്ചാണ്​ ഗതാഗതം നിയ​ന്ത്രിച്ചത്​. സ്കൂളുകളിലും കോളജുകളിലും ഓണാഘോഷം ഓൺലൈനിലേക്ക് വഴിമാറിയതോടെ ഓണപ്പുക്കളമത്സരം അടക്കമുള്ളവ ഇക്കുറി ഉപേക്ഷിച്ചിരുന്നു. ഇതോടെ, സീസൺ നഷ്​ടമായ പൂക്കച്ചവടക്കാർക്ക് തിരുവോണത്തിനുള്ള വീടുകളിലെ പൂക്കളങ്ങളാണ്​ പ്രതീക്ഷയേകിയത്.