എൻ.എസ്.എസ്: എം.എസ്.എമ്മിന് ഓവറോൾ

കായംകുളം: കേരള സർവകലാശാല പരിധിയിലെ മികച്ച കോളജായി എം.എസ്.എം തെരഞ്ഞെടുക്കപ്പെട്ടു. പ്രോഗ്രാം ഒാഫിസറായി കോമേഴ്സ് വിഭാഗം അധ്യാപിക എം. ആഷിദയും മികച്ച വളൻറിയറായി ബിരുദ വിദ്യാർഥിനി അനഘ എസ്. രാജും തെരഞ്ഞെടുക്കപ്പെട്ടു. തുടർച്ചയായി മൂന്നാം തവണയാണ് എം.എസ്.എം ജേതാക്കളാകുന്നത്. മംഗല്യനിധി, കൈത്താങ്ങ്, ഹരിതാലയം, പാലിയേറ്റിവ് കെയർ, രക്തദാന സേന, ഭവന നിർമാണ പദ്ധതി തുടങ്ങിയ പുതുമയാർന്ന പ്രവർത്തനങ്ങളാണ് കോളജിനെ മുന്നിലെത്തിച്ചത്. ചിത്രം: മികച്ച എൻ.എസ്.എസ് പ്രോഗ്രാം ഒാഫിസറായി തെരഞ്ഞെടുക്കപ്പെട്ട കായംകുളം എം.എസ്.എം കോളജിലെ എം. ആഷിദ ചിത്രം: മികച്ച എൻ.എസ്.എസ് വളൻറിയർ കായംകുളം എം.എസ്.എം കോളജിലെ അനഘ എസ്. രാജ്