ഇടപെട്ട്​ എം.പി; ​ അമ്പലപ്പുഴ-_എറണാകുളം റെയിൽപാത ഇരട്ടിപ്പിക്കലിന് നടപടി

853 കോടി രൂപ അനുവദിച്ചു മാർച്ചിനുമുമ്പ്​ സ്ഥലം ഏറ്റെടുത്ത്​ നൽകിയാൽ 2024 മാർച്ചിനകം നിർമാണം പൂർത്തിയാക്കും ആലപ്പുഴ: അമ്പലപ്പുഴ_-എറണാകുളം റെയിൽപാത ഇരട്ടിപ്പിക്കലിന്​ 853 കോടി രൂപ അനുവദിച്ചതോടെ റെയിൽ വികസനത്തിന്​ സാധ്യത തുറന്നു. ഏറ്റെടുക്കേണ്ടി വരുന്ന ഭൂമിയുടെ പകുതിവില സംസ്ഥാനം വഹിക്കണമെന്ന കർശന കേന്ദ്രനിലപാടിൽ എ.എം. ആരിഫ്​ എം.പി ഇടപെട്ട്​ അയവ്​ വരുത്തിയാണ്​ സ്ഥലമെടുപ്പ്​ നടപടികളിലേക്ക്​ കടക്കാൻ തുക അനുവദിപ്പിച്ചത്​. മുഴുവൻ തുകയും മുടക്കി പാത ഇരട്ടിപ്പിക്കാൻ സാധിക്കില്ലെന്ന പ്രഖ്യാപനത്തിൽ കേന്ദ്രമന്ത്രി ഉറച്ചുനിന്നതോടെ വികസനം അനിശ്ചിതത്വത്തിലായിരുന്നു. ഇതോടെ റെയിൽവേ ബോർഡിൽ ഇടപെട്ട്​ പ്രത്യേക റിപ്പോർട്ട്​ തയാറാക്കിക്കാൻ കഴിഞ്ഞതിലൂടെ ​വീണ്ടും പരിഗണനക്ക്​ കൊണ്ടുവന്നാണ്​ ഫണ്ട്​ ഉറപ്പിച്ചത്​. റെയിൽവേ മന്ത്രാലയത്തി​ൻെറ വിഷൻ 2024 ൽ ഉൾപ്പെടുന്ന പദ്ധതിയാണിത്​. അടുത്ത മാർച്ചിനുമുമ്പ്​ സംസ്ഥാന സർക്കാർ സ്ഥലം ഏറ്റെടുത്ത്​ നൽകിയാൽ 2024 മാർച്ചിനകം നിർമാണം പൂർത്തിയാക്കാമെന്നാണ്​ റെയിൽവേ അറിയിച്ചിട്ടുള്ളത്​. ആലപ്പുഴ ജില്ലയിൽ​ 32 ഹെക്​ടറാണ്​ ഏറ്റെടുക്കേണ്ടത്​. എറണാകുളത്ത്​ 5.87 ഹെക്​ടറും. എറണാകുളം_-അമ്പലപ്പുഴ പാത ഇരട്ടിപ്പിക്കലിന്​ സ്ഥലമെടുക്കാൻ എറണാകുളം, ആലപ്പുഴ ജില്ലകളിൽ റവന്യൂ വകുപ്പ്​ വിജ്ഞാപനം പുറപ്പെടുവിച്ചിരുന്നു. എന്നാൽ, നടപടികൾ പൂർണമായിരുന്നില്ല. കോട്ടയം വഴിയുള്ള കായംകുളം_-എറണാകുളം പാത ഇരട്ടിപ്പിക്കൽ അവസാന ഘട്ടത്തിലാണ്​. വലിയ നേട്ടം; നിർമാണം വൈകില്ല _-എ.എം. ആരിഫ്​ (ചിത്രം ) ആലപ്പുഴ: പാത ഇരട്ടിപ്പിക്കൽ യാഥാർഥ്യമാകുന്നതോടെ ട്രെയിൻ ഗതാഗത സൗകര്യത്തിൽ വലിയ നേട്ടമുണ്ടാകുമെന്ന്​ എ.എം. ആരിഫ്​ എം.പി പറഞ്ഞു. ഫണ്ട്​ അനുവദിപ്പിക്കാൻ കഴിഞ്ഞതിലൂടെ സ്ഥലമെടുപ്പ്​ നടപടികളിലേക്ക്​ കടക്കാം. നിർമാണ പ്രവർത്തനങ്ങൾക്ക്​ ഇനി വേഗം കൂടും. ഭേദഗതി വരുത്തിയ കേന്ദ്ര മാനദണ്ഡങ്ങൾ തടസ്സമായതോടെ നിരന്തര പരിശ്രമത്തിനൊടുവിലാണ്​ പദ്ധതിക്ക്​ ഫണ്ട്​ അനുവദിപ്പിക്കാൻ കഴിഞ്ഞതെന്നും എം.പി പറഞ്ഞു.