വിദ്യാർഥിയുടെ കൊലപാതകം: സി.പി.എം ശ്രമം രാഷ്​ട്രീയ ലാഭമുണ്ടാക്കാൻ -ബി.ജെ.പി

ആലപ്പുഴ: വള്ളികുന്നം കൊലപാതകത്തിൽ സി.പി.എം ബി.ജെ.പിക്കെതിരെ ആരോപണം ഉന്നയിക്കുന്നത് രാഷ്​ട്രീയ ലാഭത്തിനു വേണ്ടിയാണെന്ന്​ ബി.ജെ.പി ജില്ല പ്രസിഡൻറ്​ എം.വി. ഗോപകുമാർ. അഭിമന്യു കൊല്ലപ്പെട്ട സംഭവത്തിൽ ബി.ജെ.പിക്കെതിരെ സി.പി.എം ഉയർത്തുന്ന ആരോപണം അടിസ്ഥാനരഹിതവും വസ്തുത വിരുദ്ധവുമാണ്. ഉത്സവപ്പറമ്പിൽ നടന്ന കൊലപാതകത്തിൽ രാഷ്​ട്രീയ കാരണങ്ങൾ ഇല്ലെന്ന് പൊലീസും അഭിമന്യുവി​ൻെറ പിതാവും പറയുന്നു. കൊലപാതകത്തി​ൻെറ മറവിൽ സി.പി.എം നടത്തുന്ന അതിക്രമങ്ങളും ദുരുദ്ദേശ്യപരമാണ്. ദാരുണമായ കൊലപാതകത്തെപ്പോലും രാഷ്​ട്രീയ ലക്ഷ്യത്തിനുവേണ്ടി ഉപയോഗിക്കുന്നത് തരംതാഴ്​ന്ന രാഷ്​ട്രീയ പ്രവർത്തനമാണെന്നും ഗോപകുമാർ പറഞ്ഞു.