എസ്.വൈ.എസ് കൺ​െവൻഷൻ

മാന്നാർ: 'പരസ്പരം ഐക്യപ്പെടലും ശക്തിപ്പെടലും തൗഹീദി​ൻെറ മാർഗത്തിലൂടെ' പ്രമേയവുമായി സുന്നി യുവജന സംഘം ജില്ല കമ്മിറ്റി സംഘടിപ്പിച്ച മാന്നാർ മേഖല കൺ​െവൻഷൻ സമാപിച്ചു. ജില്ല പ്രസിഡൻറ്​ നവാസ് എച്ച്.പാനൂർ ഉദ്ഘാടനം ചെയ്തു. ജില്ല വൈസ് പ്രസിഡൻറ് ഹാജി ഇക്ബാൽ കുഞ്ഞ് അധ്യക്ഷതവഹിച്ചു. ജില്ല സെക്രട്ടറി ഫൈസൽ ഷംസുദ്ദീൻ, ഫക്രുദ്ദീൻ ഫാദിൽ ബാഖവി, സിദ്ദീഖ് വീയപുരം, പി.എം.എ. ഷുക്കൂർ, റഷീദ് പടിപ്പുരക്കൽ, സുലൈമാൻ കുഞ്ഞ്, നൗഷാദ് മാന്നാർ, അബ്​ദുൽ അസീസ് പനമൂട്ടിൽ, വി.കെ. ഷംസുദ്ദീൻ എന്നിവർ സംസാരിച്ചു. ലഹരിവിരുദ്ധ ബോധവത്​കരണം, മയ്യിത്ത് പരിപാലനം തുടങ്ങിയ വിഷയങ്ങളിൽ നടത്തിയ ചർച്ചകൾക്ക് ഹനീഫ ബാഖവി, ബഷീർ സഫാ എന്നിവർ നേതൃത്വം നൽകി. മജ്​ലിസുന്നൂറിന് അസെയ്​ദ് ഹദിയത്തുല്ല തങ്ങൾ അൽ ഹൈദ്രോസിയും നേതൃത്വം നൽകി. വീട്​ നിർമിച്ചുനൽകി ചെങ്ങന്നൂർ: അൻസിയക്കും ഹസ്നക്കും ഇനി അടച്ചുറപ്പുള്ള വീടി​ൻെറ സുരക്ഷിതത്വത്തിൽ കഴിയാം. മുളക്കുഴ മോടിവടക്കേതിൽ നാസർ-മറിയം ബീവി ദമ്പതികളുടെ മക്കളായ മുളക്കുഴ ഗവ. ഹൈസ്കൂൾ ഒമ്പതാംക്ലാസ്​ വിദ്യാർഥിനി അൻസിയക്കും എട്ടാംക്ലാസ്​ വിദ്യാർഥിനി ഹസ്നക്കുമാണ്​ രഞ്ജിനി ആർട്സ് ആൻഡ്​ സ്​പോർട്സ് ക്ലബി​ൻെറ നേതൃത്വത്തിൽ വീടൊരുങ്ങിയത്. 41ാം വാർഷികാഘോഷങ്ങളുടെ ഭാഗമായാണ്​ ക്ലബ് വീട്​ നിർമിക്കുന്നത്​. പ്ലാസ്​റ്റിക് ഷീറ്റും ടാർപ്പാളിനും മാത്രം മറച്ച, മൺതറയിലാണ്​ ഇൗ കുടുംബം കഴിഞ്ഞിരുന്നത്​. ഓൺലൈൻ പഠനത്തിന് ടി.വി നൽകാൻ ക്ലബ് പ്രവർത്തകർ എത്തിയപ്പോഴാണ് വീടി​ൻെറ ശോച്യാവസ്ഥ കണ്ടത്​. ടി.വി പ്രവർത്തിപ്പിക്കാൻ വൈദ്യുതി കണക്​ഷൻ എടുക്കാൻ ഇടപെടൽ നടത്താനും ക്ലബിനായി. സൗജന്യമായി കേബിൾ കണക്​ഷനും എടുത്ത് നൽകി. പിന്നീട്​ ക്ലബ്​ പ്രസിഡൻറ് റെഞ്ചി ചെറിയാൻ ചെയർമാനും സെക്രട്ടറി എം. മനുവും കൺവീനറുമായ നിർമാണ കമ്മിറ്റി രൂപവത്​കരിച്ച് ഭവന നിർമാണ പ്രവർത്തനങ്ങൾ ഊർജിതമാക്കി. 520 ചതുരശ്രയടി വിസ്തീർണമുള്ള വീട് 5,20,000 രൂപക്കാണ്​ പൂർത്തീകരിച്ചത്. ഭവന നിർമാണ കമ്മിറ്റി രക്ഷാധികാരി പി.വി. ചന്ദ്രദത്ത് തറക്കല്ലിട്ട് അഞ്ചുമാസത്തിനകം വീട്​ പൂർത്തിയാക്കാൻ സാധിച്ചു. സജി ചെറിയാൻ എം.എൽ.എ വീടി​ൻെറ താക്കോൽ ദാനം നടത്തി. ക്ലബ്​ പ്രസിഡൻറ്​ റെഞ്ചി ചെറിയാൻ അധ്യക്ഷതവഹിച്ചു. ശ്രീമദ് ധർമാനന്ദ സരസ്വതി, പി.എം.എ. സലാം മുസ്‌ലിയർ, ഫാ. ഡോ. സാംസൺ എം. ജേക്കബ്, മുളക്കുഴ ഗ്രാമപഞ്ചായത്ത്‌ പ്രസിഡൻറ്​ എൻ. പത്മാകരൻ, ജില്ല പഞ്ചായത്ത്‌ മെംബർ ഹേമലത മോഹൻ, വൈസ് പ്രസിഡൻറ്​ രമ മോഹൻ, കെ.എൻ. സദാനന്ദൻ, ടി.എ. മോഹനൻ, സിന്ധു ബിനു എന്നിവർ പങ്കെടുത്തു. പെരുമ്പളം പാലം പണിയാൻ കായൽ നികത്തൽ; സി.പി.എമ്മിൽ പ്രതിഷേധം വടുതല: പെരുമ്പളം പാലം പണിയാൻ കായൽ നികത്താനുള്ള നീക്കത്തിൽ സി.പി.എമ്മിൽ പ്രതിഷേധം പുകയുന്നു. വേമ്പനാട്ട് കായലി​ൻെറ മറുകരയിൽ അരൂക്കുറ്റി ഗ്രാമപഞ്ചായത്തിലെ വടുതലയിൽനിന്നാണ് പാലംപണി ആരംഭിക്കുന്നത്. ഇവിടെ കരയിൽനിന്ന് നൂറ്റി നാൽപതോളം മീറ്റർ കായലിലേക്ക് തെങ്ങുകുറ്റികൾ നാട്ടി മണ്ണുനിറച്ച് ബണ്ട് നിർമിക്കാനാണ് നീക്കമെന്ന് മത്സ്യത്തൊഴിലാളികൾ പറയുന്നു. കായലിൽ നീരൊഴുക്ക് തടയുന്ന ഈ നടപടി നിർത്തിവെക്കണമെന്നാണ്​ മത്സ്യത്തൊഴിലാളികളുടെ ആവശ്യം. പാലം നിർമാണത്തിന് അത്യാധുനിക രീതികൾ നിലനിൽക്കുമ്പോൾ കായലിൽ ബണ്ട് നിർമിച്ച്‌ നീരൊഴുക്ക് തടയരുതെന്നാണ്​ ഇവരുടെ ആവശ്യം. മത്സ്യത്തൊഴിലാളി യൂനിയനുകളിൽ പ്രബല സംഘടന സി.ഐ.ടി.യുവി​ൻെറ സംഘടനക്ക്​ ഇക്കാര്യത്തിൽ ഇടപെടുന്നതിൽ പരിമിതികളുണ്ട്. പെരുമ്പളം നിവാസികളുടെ ചിരകാലാഭിലാഷമായ പാലം നിർമാണത്തിന് പ്രതിഷേധങ്ങൾ തടസ്സമായി വ്യാഖ്യാനിക്കപ്പെടും. തെരഞ്ഞെടുപ്പ് സമയത്ത് എൽ.ഡി.എഫി​ൻെറ വികസന പ്രഖ്യാപനത്തിനെതിരെയുള്ള സി.ഐ.ടി.യുവി​ൻെറ എതിർപ്പ് എതിരാളികൾ ആഘോഷിക്കും. ഇതൊക്കെയാണ് സി.പി.എമ്മിനെ അലട്ടുന്നത്. അരൂർ-അരൂക്കുറ്റി പാലം പണിയുമായി ബന്ധപ്പെട്ട് തെങ്ങിൻകുറ്റികൾ കായലിൽ നാട്ടി ബണ്ട് ഉണ്ടാക്കിയിരുന്നു. ഈ ബണ്ടി​ൻെറ അവശിഷ്​ടം ഇപ്പോഴും കായലിൽ മത്സ്യത്തൊഴിലാളികൾക്ക് ദുരിതമായി കിടക്കുകയാണ്. മത്സ്യത്തൊഴിലാളികൾ ബണ്ട് നിർമാണത്തിനെതിരെ ശക്തമായി രംഗത്തുവന്നിട്ടുണ്ട്. പ്രതിഷേധം ഏറ്റെടുക്കാൻ സി.ഐ.ടി.യു സംഘടന തയാറായില്ലെങ്കിൽ മറ്റ് മത്സ്യത്തൊഴിലാളി സംഘടനകൾ ഏറ്റെടുക്കുന്നതും പ്രശ്നമാകും. എന്താണെങ്കിലും മത്സ്യത്തൊഴിലാളി യൂനിയൻ സി.ഐ.ടിയു ഇക്കാര്യം ചർച്ചചെയ്യാൻ തീരുമാനിച്ചിട്ടുണ്ട്.