എഴുപുന്നയിൽ പ്രസിഡൻറ് ​സ്ഥാന മോഹികൾ നിരവധി

അരൂർ: എഴുപുന്ന ഗ്രാമപഞ്ചായത്തിൽ ഏതു മുന്നണിക്ക് ഭരണം കിട്ടും എന്നതല്ല പ്രശ്​നം; ആരു പ്രസിഡൻറാകും എന്നതാണ്. പ്രസിഡൻറ് പദവി നോട്ടമിട്ട്​ അരയും തലയും മുറുക്കി തെരഞ്ഞെടുപ്പിനു വളരെ മു​േമ്പതന്നെ പലരും രംഗത്തുണ്ട്. വൈസ് പ്രസിഡൻറാകാൻ അവസരം കിട്ടാത്തതിൽ പ്രതിഷേധിച്ച് മെംബർ സ്ഥാനം രാജി​െവച്ച ചരിത്രവും ഈ പഞ്ചായത്തിനുണ്ട്​. കാർഷിക മേഖലയാണ് എഴുപുന്ന. നൂറുകണക്കിന് ഏക്കർ കൃഷിയിടങ്ങളും അവിടെ പണിയെടുക്കുന്ന ആയിരക്കണക്കിന്​ കർഷക തൊഴിലാളികളും വോട്ടർമാർ. കമ്യൂണിസ്​റ്റ്​ പാർട്ടിക്ക് വളക്കൂറുള്ള മണ്ണിൽ പാർട്ടി ആദ്യകാലങ്ങളിൽ പച്ചപിടിക്കുകയും ചെയ്തു. ഭൂവുടമകൾ വ്യവസായികളായി മാറിയത്​ കാലത്തി​ൻെറ മാറ്റം കൂടിയായി. മാറിയും മറിഞ്ഞും വരുന്ന പഞ്ചായത്ത് ഭരണം പുത്തരിയല്ല. ഇനി ആരുഭരിക്കും എന്ന് ആർക്കും പ്രവചിക്കാൻ കഴിയാത്ത അവസ്ഥ. നിലവിലെ ഊഴം യു.ഡി.എഫിനായിരുന്നു. വികസന പ്രവർത്തനങ്ങളുടെ മേന്മയിൽ അവർക്കുതന്നെ തുടർഭരണം ലഭിക്കുമെന്ന് പ്രതീക്ഷ പരക്കെയുണ്ട്. മാലിന്യസംസ്​കരണവും കാർഷിക മേഖലയുടെ വളർച്ചയും നടന്നില്ലെന്ന് ആവർത്തിക്കുമ്പോഴും ഐക്യത്തോടെ യു.ഡി.എഫിനെ നേരിടാൻ കഴിയാതെ പരുങ്ങലിലാണ് എൽ.ഡി.എഫ്. എല്ലാവരെയും ഒരുമിപ്പിച്ച് കൊണ്ടുപോകലാണ്​ നേതൃത്വം അഭിമുഖീകരിക്കുന്ന പ്രധാന വെല്ലുവിളി. രാജ്യവും സംസ്ഥാനവും കാര്യമായി ചർച്ച ചെയ്യുന്ന രാഷ്​ട്രീയ പ്രശ്നങ്ങൾ ഇവിടെ അനുരണനങ്ങൾ സൃഷ്​ടിക്കാറില്ല. പകരം ഇവിടെ പ്രാധാന്യം വ്യക്തികൾക്കാണ്. മത്സരിക്കുന്നവർ രാഷ്​ട്രീയ സംശുദ്ധിയുള്ളവരായിരിക്കണമെന്ന്​ ഏവരും ആഗ്രഹിക്കുന്നു. അത്തരക്കാരെ മുൻനിർത്തിയുള്ള മത്സരത്തിന്​ ഏതു മുന്നണി തയാറാകുന്നുവോ അവർക്ക് വിജയമെന്ന് രാഷ്​ട്രീയ നിരീക്ഷകർ പറയുന്നു. തെരഞ്ഞെടുപ്പ്​ മാത്രം മുന്നിൽകണ്ട് മത്സരിക്കാൻ കച്ച​െകട്ടിയിറങ്ങുന്ന നേതാക്കൾ ഇരുമുന്നണിക്കും തലവേദന മാത്രമാണ്​ സൃഷ്​ടിക്കുന്നത്​. കാരണം പലർക്കും മോഹം തലവനാകുക എന്നത്​ മാത്രമാണ്​. കെ.ആർ. അശോകൻ