Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightമാന്നാറിൽ സമ്പർക്ക...

മാന്നാറിൽ സമ്പർക്ക വ്യാപനത്തിലൂടെ കോവിഡ് ബാധിതരേറുന്നു

text_fields
bookmark_border
മാന്നാർ: സമ്പർക്ക വ്യാപനത്തിലൂടെ കോവിഡ് പോസിറ്റിവ് കേസുകൾ വർധിക്കുന്നത് മാന്നാറിൽ ആശങ്ക വർധിപ്പിക്കുന്നു. 34 പേർക്ക് രോഗം സ്ഥിരീകരിച്ചു. ഗ്രാമപഞ്ചായത്തിൽ രണ്ട്​ വില്ലേജിലായുള്ള 18 വാർഡുകളിൽ പത്തിലും രോഗികളുണ്ട്. മൂന്ന്​, നാല്​, അഞ്ച്​, ആറ്​, ഏഴ്​, ഒമ്പത്​, 10, 14, 16, 17 വാർഡുകളിലാണ് രോഗമുള്ളവരുടെ വീടുകൾ. രണ്ടു കുടുംബത്തിലെ ഭൂരിഭാഗം അംഗങ്ങൾക്കും പിടിപെട്ടു. ഗ്രാമപഞ്ചായത്ത് സ്ഥിരം സമിതി അധ്യക്ഷന്മാരിൽ ഒരാളെ ആശുപത്രിയിൽ പ്രവേശിപ്പിച്ചു. ഇതുമായി ബന്ധപ്പെട്ട് കുട്ടമ്പേരൂർ മുട്ടേൽ, കുന്നത്തൂർ സർവിസ് സഹകരണ ബാങ്കുകളിലും തിങ്കളാഴ്​ച അണുനശീകരണം നടത്തും. പഞ്ചായത്ത് ഓഫിസ് ജീവനക്കാരും ചില ജനപ്രതിനിധികളും ആരോഗ്യവകുപ്പി​ൻെറ ആവശ്യപ്രകാരം വീടുകളിൽ സ്വയം നിരീക്ഷണത്തിലായിട്ടുണ്ട്. ഓഫിസ് കാര്യാലയം അടക്കണമെന്നുള്ള നിർദേശത്തിന്​ പഞ്ചായത്ത് ഡെപ്യൂട്ടി ഡയറക്ടറുടെ അംഗീകാരം ലഭിച്ചില്ല. നിലവിൽ കുരട്ടിക്കാട് ആറ്​, കുട്ടമ്പേരൂർ അലിൻഡ് സ്വിച്ച്ഗിയർ ഡിവിഷൻ ഫാക്ടറി ഒമ്പത്​ വാർഡുകൾ കണ്ടെയ്​ൻമൻെറ്​ സോണുകളാണ്. പാവുക്കര നാല്​, കുരട്ടിശ്ശേരി മാന്നാർ ടൗൺ അഞ്ച്​ എന്നീ വാർഡുകൾ കൂടി നിയന്ത്രണ മേഖലയാക്കുന്നതിന്​ വേണ്ടിയുള്ള റിപ്പോർട്ട് ആരോഗ്യവകുപ്പ് ജില്ല ഭരണകൂടത്തിന്​ സമർപ്പിച്ചിട്ടുണ്ടെന്ന് അറിയുന്നു. ഞായറാഴ്ച നാലുപേർക്കാണ് കോവിഡ്. ഇതിൽ രണ്ടുപേർ ഗൾഫിൽനിന്ന്​ വന്നവരും രണ്ടുപേർ നേരത്തേ സ്ഥിരീകരിച്ച കുടുംബത്തിലെ അംഗങ്ങളുമാണ്.
Show Full Article
TAGS:
Next Story