സദ്ഭാവന ദിനം ആചരിച്ചു

ചാരുംമൂട്: യൂത്ത് കോൺഗ്രസ്‌ ചുനക്കര മണ്ഡലം കമ്മിറ്റിയുടെ ആഭിമുഖ്യത്തിൽ രാജീവ്‌ഗാന്ധിയുടെ 78ാ മത് ജന്മദിനാചരണം നടത്തി. യൂത്ത്‌ കോൺഗ്രസ്‌ നിർവാഹക സമിതി അംഗം ഷൈജു. ജി. സാമുവൽ ഉദ്ഘാടനം ചെയ്തു. മണ്ഡലം പ്രസിഡൻറ് രാജേഷ് പനയ്ക്കൽ അധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡൻറ് ജി. ഹരിപ്രകാശ് മുഖ്യപ്രഭാഷണം നടത്തി. നിയോജക മണ്ഡലം വൈസ് പ്രസിഡന്‍റ്​ എസ്.ഷംജിത് മരങ്ങാട്ട് പ്രതിജ്ഞ ചൊല്ലി. രതീഷ്​ കുമാർ കൈലാസം, എസ്. സാദിഖ്, രാജു ചെറിയാൻ, റിയാസ് പത്തിശ്ശേരിൽ, എം.ജി ബിജു, സക്കീർ, റിയാദ്, ഷേഖ് ഫയാസ്, ഹംസ, ജയകൃഷ്ണൻ, മജീദ്, സലീം, സജു, ഷിബു അച്ചൻകുഞ്ഞ്, ജോൺസൻ തുടങ്ങിയവർ സംസാരിച്ചു. പുഷ്പാർച്ചനയും മധുരം വിതരണവും നടത്തി. ഫോട്ടോ: യൂത്ത് കോൺഗ്രസ്‌ ചുനക്കര മണ്ഡലം കമ്മിറ്റിയുടെ ആഭിമുഖ്യത്തിൽ നടത്തിയ രാജീവ്‌ഗാന്ധിയുടെ 78ാ മത് ജന്മദിനാചരണം യൂത്ത്‌ കോൺഗ്രസ്‌ നിർവാഹക സമിതി അംഗം ഷൈജു. ജി. സാമുവൽ ഉദ്ഘാടനം ചെയ്യുന്നു