അരൂർ വള്ളംകളി നാളെ

അരൂർ: അരൂർ ജലോത്സവത്തിന് കൈതപ്പുഴക്കായലിൽ ഞായറാഴ്ച തുഴയെറിയും. ഇരുട്ടുകുത്തി വിഭാഗത്തിൽ 16 വള്ളങ്ങളാണ് മത്സരത്തിൽ പങ്കെടുക്കുന്നത്. 30 മുതൽ 35 പേർ വരെ പങ്കെടുക്കുന്ന എ ഗ്രേഡ് വള്ളങ്ങളും 20 മുതൽ 25 വരെ തുഴക്കാർ പങ്കെടുക്കുന്ന ബി ഗ്രേഡ് വള്ളങ്ങളും മത്സരിക്കാനെത്തും. അരൂക്കുറ്റി പാലത്തിൽ നിന്നാൽ വള്ളംകളി കാണാനാകും. വി.ഐ.പി പവിലിയൻ പൂർത്തീകരിച്ചതായി സംഘാടകരായ അരൂക്കുറ്റി ഫെറി യുവജന സമിതി അംഗങ്ങൾ അറിയിച്ചു. ചിത്രം : മത്സര വള്ളം പരിശീലനത്തിൽ