ചേർത്തല മുട്ടം സെന്‍റ്​ മേരീസ് ദേവാലയ സഹസ്രാബ്ദ ആഘോഷം

ചേർത്തല: പ്രസിദ്ധ മരിയൻ തീർഥാടന കേന്ദ്രമായ മുട്ടം സെന്‍റ്​ മേരീസ് ഫൊറോന ദേവാലയ സഹസ്രാബ്ദ ആഘോഷം 15ന് തുടങ്ങും. ആധ്യാത്മിക നവീകരണ പരിപാടികൾ, സമ്മേളനങ്ങൾ, കലാകായിക മത്സരങ്ങൾ, ബോധവത്കരണ ക്ലാസുകൾ, സെമിനാറുകൾ, വിവിധ മേഖലകളിലുള്ളവരുടെ സംഗമം എന്നിവ സംഘടിപ്പിക്കും. ജൂബിലി സ്മാരക മന്ദിരവും നിർമിക്കുമെന്ന്​ വികാരി ഡോ. ആന്‍റോ ചേരാംതുരുത്തി, സഹവികാരിമാരായ ഫാ. ലിജോയി വടക്കുഞ്ചേരി, ഫാ. അജു മുതുകാട്ടിൽ, ജനറൽ കൺവീനർ വി.കെ. ജോർജ്, കൈക്കാരൻമാരായ സി.ഇ. അഗസ്റ്റിൻ, ജാക്സൺ മാത്യു, പാരീഷ് ഫാമിലി യൂനിയൻ വൈസ് ചെയർമാൻ ഷാജു ജോസഫ് എന്നിവർ പറഞ്ഞു.