സപ്തദിന ക്യാമ്പിന് ഇന്ന് തുടക്കം

മാന്നാർ: നായർസമാജം ഹയർ സെക്കൻഡറി സ്കൂൾ എൻ.എസ്.എസ് യൂനിറ്റിന്റെ സപ്തദിന ക്യാമ്പ് വെള്ളിയാഴ്ച വൈകീട്ട്​ 3.30ന് മാന്നാർ ഗ്രാമപഞ്ചായത്ത് പ്രസിഡന്‍റ്​ ടി.വി. രത്‌നകുമാരി ഉദ്​ഘാടനം ചെയ്യും. സ്കൂൾ മാനേജർ കെ.ആർ. രാമചന്ദ്രൻ നായർ അധ്യക്ഷത വഹിക്കും. തുടർന്നുള്ള ദിവസങ്ങളിൽ ആരോഗ്യ പ്രവർത്തനങ്ങൾ, ശുചീകരണം, കൃഷി, ശിൽപശാലകൾ, സെമിനാറുകൾ, ബോധവത്കരണ ക്ലാസുകൾ,സ്വാതന്ത്ര്യ ദിന റാലി, സംഗമം വിവിധ കലാപരിപാടികൾ എന്നിവ നടക്കും.