യൂത്ത്​ കോൺഗ്രസ്​ സ്ഥാപകദിനാഘോഷവും ക്വിറ്റ് ഇന്ത്യ ദിനാചരണവും

അരൂർ: യൂത്ത്​ കോൺഗ്രസ്​ സ്ഥാപകദിനാഘോഷവും ക്വിറ്റ്​ ഇന്ത്യദിന അനുസ്മരണവും നടത്തി. യൂത്ത് കോൺഗ്രസ് കുത്തിയതോട് ഈസ്റ്റ് മണ്ഡലം കമ്മിറ്റിയുടെ നേതൃത്വത്തിൽ നടന്ന പരിപാടിയിൽ മണ്ഡലം പ്രസിഡന്‍റ്​ വിഷ്ണു ബാലചന്ദ്രൻ പതാക ഉയർത്തി. പ്രതിഭകളെ ആദരിക്കൽ, 2021 -22 'യൂത്ത് ഐക്കൺ' പുരസ്കാര സമർപ്പണം, പള്ളിത്തോട് മരിയ സദനത്തിലേക്ക് അവശ്യവസ്തുക്കൾ കൈമാറൽ എന്നിവ സംഘടിപ്പിച്ചു. ഡി.സി.സി അംഗം കെ. ധനേഷ് കുമാർ ക്വിറ്റ് ഇന്ത്യ ദിനാചരണം ഉദ്​ഘാടനം ചെയ്തു, അരൂർ ബ്ലോക്ക് കോൺഗ്രസ് ജനറൽ സെക്രട്ടറി കൽപനാദത്ത് എസ്. കണ്ണാട്ട് യൂത്ത് കോൺഗ്രസ് സ്ഥാപക ദിനാചരണം ഉദ്​ഘാടനം ചെയ്തു. കെ. അജിത് കുമാർ, സുജിത് സുധാകരൻ എന്നിവർ മുഖ്യപ്രഭാഷണം നടത്തി. മനോജ്, കെ.ജെ. ആന്റണി, ഷിഹാബ്, അൻസിൽ, ഷെഫീക്, അൽസാബിത്ത് എന്നിവർ സംസാരിച്ചു. എഴുപുന്ന ഈസ്റ്റ്‌ മണ്ഡലം കമ്മിറ്റിയുടെ നേതൃത്വത്തിൽ നടന്ന പരിപാടിയിൽ മണ്ഡലം പ്രസിഡന്‍റ്​ എം.പി. അനിൽ പതാക ഉയർത്തി. സമ്മേളനം ഡി.സി.സി മെംബർ എൻ.കെ. രാജീവൻ ഉദ്​ഘാടനം ചെയ്തു. പി.എക്സ്. തങ്കച്ചൻ, അഡ്വ. വി. ഷൈൻ, സുനിൽ കുമാർ എന്നിവർ സംസാരിച്ചു. അരൂർ സൗത്ത് മണ്ഡലം കമ്മിറ്റിയുടെ നേതൃത്വത്തിൽ നടത്തിയ യൂത്ത് കോൺഗ്രസ് സ്ഥാപക ദിനാഘോഷ ഭാഗമായി മണ്ഡലം പ്രസിഡന്‍റ്​ പി.ജെ. ഷിനു പതാക ഉയർത്തി. ചന്തിരൂർ സർക്കാർ ആയുർവേദ ആശുപത്രിയിലേക്ക് ഫാനും കസേരകളും നൽകി. പി.ജെ. ഷിനു അധ്യക്ഷത വഹിച്ചു. വി.കെ. മനോഹരൻ ഉദ്​ഘാടനം ചെയ്തു. എം.എസ്. നിധീഷ് ബാബു ഉപഹാരം സമർപ്പണം നടത്തി. യൂത്ത് കോൺഗ്രസ് മണ്ഡലം വൈസ് പ്രസിഡന്‍റ്​ അരുൺ സ്വാഗതവും ആശുപത്രി മെഡിക്കൽ ഓഫിസർ ഡോ. ജയരാജ് നന്ദിയും പറഞ്ഞു. ചിത്രം: യൂത്ത് കോൺഗ്രസ് അരൂർ സൗത്ത് മണ്ഡലം കമ്മിറ്റിയുടെ നേതൃത്വത്തിൽ ചന്തിരൂർ സർക്കാർ ആയുർവേദ ആശുപത്രിയിലേക്ക് ഫാനും കസേരകളും നൽകുന്നു