യൂത്ത് ലീഗ് വാഴനട്ട് പ്രതിഷേധിച്ചു

അരൂർ: അരൂർ-അരൂക്കുറ്റി പാലത്തിലെ കുഴികളടച്ച് സഞ്ചാരയോഗ്യമാക്കണമെന്ന്​ ആവശ്യപ്പെട്ട് യൂത്ത് ലീഗ് സമരം നടത്തി. നിർമാണത്തിലെ അപാകത മൂലം അരൂർ-അരൂക്കുറ്റി പാലത്തിൽ ഉണ്ടായിരിക്കുന്ന കുഴികളടച്ച് ജനങ്ങളുടെ സഞ്ചാരസ്വാതന്ത്ര്യവും ജീവനും സംരക്ഷിക്കണമെന്ന് ആവശ്യപ്പെട്ട് അരൂർ മണ്ഡലം മുസ്​ലിം യൂത്ത് ലീഗ് കമ്മിറ്റി പാലത്തിലെ കുഴികളിൽ വാഴനട്ട് പ്രതിഷേധിച്ചു. തൈക്കാട്ടുശ്ശേരി ബ്ലോക്ക് പഞ്ചായത്ത് അംഗം അനീസ് ഉദ്ഘാടനം ചെയ്തു. ഷിഹാബ് മൂസ, അൻസാർ പാണാവള്ളി, ഷാൻ പനക്കത്തറ, നഹാസ് , ഷിഹാബ് തുറവൂർ, ഷെമീം, റഷീദ് എന്നിവർ നേതൃത്വം നൽകി.