അമ്പലപ്പുഴ-തിരുവല്ല കെ.എസ്​.ആർ.ടി.സി സർവിസ്​ പുനരാരംഭിച്ചു

ആലപ്പുഴ: കനത്ത മഴയിൽ വെള്ളംകയറി ഗതാഗതം നിലച്ച അമ്പലപ്പുഴ-തിരുവല്ല പാതയിൽ കെ.എസ്​.ആർ.ടി.സി ബസ്​ സർവിസ്​ പുനരാരംഭിച്ചു. നെടുമ്പ്രത്ത്​ അപകടകരമായ നിലയിൽ ജലനിരപ്പ്​ ഉയർന്നതോടെ വെള്ളിയാഴ്​ചയാണ്​ മുന്നറിയിപ്പില്ലാതെ സർവിസുകൾ നിർത്തിയത്​. ശനിയാഴ്​ച ഉച്ചക്കുശേഷമാണ്​ സർവിസുകൾ പുനരാരംഭിച്ചത്​. തുടക്കത്തിൽ ആലപ്പുഴ ഡിപ്പോയിൽനിന്നുള്ള സൂപ്പർഫാസ്റ്റ്​, ഫാസ്റ്റ്​, ഓർഡിനറി സർവിസുകളാണ്​ ഓടിത്തുടങ്ങിയത്​. തിരുവല്ല, എടത്വ, ചങ്ങനാശ്ശേരി, കോട്ടയം ഡിപ്പോകളിൽനിന്നുള്ള ആലപ്പുഴ സർവിസുകൾ പിന്നാലെ ഓടുമെന്നും അധികൃതർ അറിയിച്ചു.