വാൻ കടയിലേക്ക് ഇടിച്ചുകയറി

അരൂർ: എറണാകുളത്ത് പാൽ ഇറക്കി തിരികെ പന്തളത്തേക്ക് പോകുകയായിരുന്ന വാൻ നിയന്ത്രണം തെറ്റി പെട്ടിക്കടയിലേക്ക്​ ഇടിച്ചുകയറി. ദേശീയ പാതയിൽ ചന്തിരൂർ മേഴ്സി സ്കൂളിനു സമീപം ചൊവ്വാഴ്ച പുലർച്ചയായിരുന്നു അപകടം. ഡ്രൈവർ സീതത്തോട് സ്വദേശി അനീഷ് കൂടെ ഉണ്ടായിരുന്ന പടനിലം സ്വദേശി യദു എന്നിവർക്ക് പരിക്കേറ്റു. കുറച്ചുനാളായി അടഞ്ഞുകിടന്നിരുന്ന പെട്ടിക്കടയിലേക്കാണ് വാൻ ഇടിച്ചു കയറിയത്. പെട്ടിക്കട പൂർണമായും തകർന്നു. വാനി‍ൻെറ മുൻഭാഗവും തകർന്നു. ചിത്രം : വാൻ പെട്ടിക്കടയിലേക്ക് ഇടിച്ചുകയറി.