'ഒരോ വീട്ടിലും ഒരു കറിവേപ്പിൻ തൈ' പദ്ധതി

പൂച്ചാക്കൽ: മണപ്പുറം സെന്‍റ്​ തെരേസാസ് ഹൈസ്കൂളിൽ 'ഓരോ വീട്ടിലും ഒരു കറിവേപ്പിൻ തൈ' പദ്ധതിയുടെ ഭാഗമായി കുട്ടികൾക്ക് തൈകൾ നൽകി. വീട്ടിൽ കറിവേപ്പില്ലാത്ത മുഴുവൻ കുട്ടികൾക്കും തൈകൾ സൗജന്യമായി നൽകുന്നതാണ് പദ്ധതി. സ്കൂൾ സീഡ് ക്ലബി‍ൻെറയും നേച്വർ ക്ലബി‍ൻെറയും നേതൃത്വത്തിലാണ് ശേഖരിച്ചത്. വിതരണോദ്ഘാടനം സ്കൂൾ മാനേജർ ഫാ. ആന്‍റോച്ചൻ മംഗലശ്ശേരി നിർവഹിച്ചു. അടുക്കള കൃഷിയിൽ കുട്ടികളെ പ്രോത്സാഹിപ്പിക്കുന്നതി‍ൻെറ ഭാഗമായാണ് തൈ വിതരണം നടത്തുന്നതെന്ന് സ്കൂളിലെ സംസ്കൃത അധ്യാപകനും തെരേസ്യൻ സീഡ് ക്ലബ് കോഓഡിനേറ്ററുമായ അയ്യമ്പുഴ ഹരികുമാർ പറഞ്ഞു. ഹെഡ്മിസ്ട്രസ് എലിസബത്ത് പോൾ അധ്യക്ഷത വഹിച്ചു. പി.ടി.എ പ്രസിഡന്‍റ്​ പി.ആർ. സുമേരൻ, ബിനു വർഗീസ്, ആൻസി ആന്‍റണി, ജോമി ജോസഫ് എന്നിവർ നേതൃത്വം നൽകി. ചിത്രം: കറിവേപ്പിൻ തൈകളുടെ വിതരണോദ്ഘാടനം സ്കൂൾ മാനേജർ ഫാ. ആന്‍റോച്ചൻ മംഗലശ്ശേരി നിർവഹിക്കുന്നു