എം.ഡി.എം.എയുമായി രണ്ടുപേർ പിടിയിൽ

ചെങ്ങന്നൂർ: മാന്നാറിൽ എം.ഡി.എം.എ മയക്കുമരുന്നുമായി രണ്ട് യുവാക്കൾ പിടിയിൽ. മാവേലിക്കര നൂറനാട് മുതുകാട്ടുകര വിഷ്ണു വിലാസത്തിൽ വീട്ടിൽ വിഷ്ണു (22), നൂറനാട് മുതുകാട്ടുകര തറയിൽ വീട്ടിൽ അക്ഷയ്ശ്രീ (22) എന്നിവരെയാണ് മാന്നാർ പൊലീസ് അറസ്റ്റ് ചെയ്തത്. ഇവരിൽനിന്ന്​ ഒന്നര ഗ്രാം എം.ഡി.എം.എ പിടിച്ചെടുത്തു. സ്കൂൾ വിദ്യാർഥികൾക്ക് വിൽപന നടത്തുന്നതിനായി ബൈക്കിൽ വന്ന ഇവരെ കുരട്ടിക്കാട് ഭാഗത്തുനിന്നാണ് തിങ്കളാഴ്ച വൈകീട്ട് കസ്റ്റഡിയിൽ എടുത്തത്.