ബന്ധുക്കളുടെ തണലിൽ കഴിഞ്ഞ വയോധിക ഗാന്ധിഭവനിലേക്ക്​

ബുധനൂർ: ബന്ധുക്കളുടെ തണലിൽ കഴിഞ്ഞ വയോധിക ഇനി ഗാന്ധിഭവന്റെ സംരക്ഷണ ചുമതലയിൽ. 90കാരിയായ ബുധനൂർ പെരിങ്ങിലിപ്പുറം ഈരിക്കൽ കിഴക്കേതിൽ ദേവകിയമ്മയെയാണ്​ പത്തനാപുരം ഗാന്ധിഭവൻ ഏറ്റെടുത്തത്. അവിവാഹിതയായ ദേവകിയമ്മക്ക്​ സ്വന്തമായി കിടപ്പാടമോ സഹോദരങ്ങളോ ഇല്ല. ഇതുവരെ അടുത്ത ബന്ധുവിന്റെ സംരക്ഷണത്തിലായിരുന്നു. പരസഹായമില്ലാതെ ഒരുവർഷമായി അവശനിലയിൽ കഴിഞ്ഞിരുന്ന വയോധികയെ കരുണ പെയിൻ ആൻഡ് പാലിയേറ്റിവ് കെയർ സൊസൈറ്റിയുടെ മെഡിക്കൽ സംഘവും അയൽവാസികളുമാണ് സംരക്ഷിച്ചിരുന്നത്. സജി ചെറിയാൻ എം.എൽ.എയുടെ ഇടപെടലിനെ തുടർന്ന്​ ഗാന്ധിഭവൻ ചെയർമാൻ പുനലൂർ സോമരാജനെത്തി ദേവകിയമ്മയെ ഏറ്റെടുത്തു. കരുണ ജനറൽ സെക്രട്ടറി എൻ.ആർ. സോമൻപിള്ള, വർക്കിങ് ചെയർമാൻ സുരേഷ് മത്തായി, ബുധനൂർ പഞ്ചായത്ത് പ്രസിഡന്റ് പുഷ്പലത മധു, കരുണ ജോയന്‍റ്​ സെക്രട്ടറി സെക്രട്ടറി എം.കെ. ശ്രീകുമാർ, സുജാത മുരളി, സുരേഷ്, ശോഭ മാഹേശ്വരൻ, ടി.സി. സുരേഷ്, സുരേഷ് കലവറ, ജയകുമാർ, കെ.കെ. ചെല്ലപ്പൻ, രജി മാത്യു, ജയകുമാർ, മഞ്ജു വിനോദ്, ആയുഷ്, ഗോപിനാഥ് മഠത്തിൽ, ഷമീർ എന്നിവർ പങ്കെടുത്തു.