സ്മാർട്ട് അംഗൻവാടിക്ക് തറക്കല്ലിട്ടു

പൂച്ചാക്കൽ: പാണാവള്ളി പഞ്ചായത്ത് 12ാം വാർഡിൽ 109ാം നമ്പർ അംഗൻവാടി കെട്ടിടത്തിന് തറക്കല്ലിട്ടു. കണിയാംവെളി അശോകനും ഭാര്യ അജിതയും ദാനമായി നൽകിയ മൂന്ന് സെന്‍റിലാണ് സ്​മാർട്ട് അംഗൻവാടി നിർമിക്കുന്നത്. ജില്ല പഞ്ചായത്ത് പ്രസിഡന്റ് കെ.ജി. രാജേശ്വരി ശിലാസ്ഥാപനം നടത്തി. പഞ്ചായത്ത് പ്രസിഡന്റ് ധന്യാസന്തോഷ് അധ്യക്ഷത വഹിച്ചു. അശോകൻ കണിയാംവെളിയെ ബ്ലോക്ക് പഞ്ചായത്ത് പ്രസിഡന്റ് പി.എം. പ്രമോദ് ആദരിച്ചു. ജില്ല പഞ്ചായത്ത് അംഗം ബിനിത പ്രമോദ്, ബ്ലോക്ക് പഞ്ചായത്ത്​ അംഗം വി.ആർ. രജീത, വാർഡ് മെംബർ കെ.ഇ. കുഞ്ഞുമോൻ തുടങ്ങിയവർ പങ്കെടുത്തു. ചിത്രം : പാണാവള്ളി പഞ്ചായത്ത്​ 12ാം വാർഡിൽ സ്മാർട്ട് അംഗൻവാടിക്ക് ജില്ല പഞ്ചായത്ത് പ്രസിഡന്റ് കെ.ജി. രാജേശ്വരി ശിലാസ്ഥാപനം നടത്തുന്നു