മുഴുവൻ എ പ്ലസുമായി മൂവർസംഘം

മാവേലിക്കര: മൂവർസംഘത്തിന്​ എല്ലാവിഷയങ്ങൾക്കും എ പ്ലസ് ലഭിച്ചു. ആർദ്ര, ആർച്ച, അരവിന്ദ് എന്നിവർക്കാണ് എ പ്ലസ് ലഭിച്ചത്. ആർ. രവീന്ദ്രൻപിള്ളയുടെയും ഡി. ശ്രീജയുടെയും മക്കളായ മൂവരും മാവേലിക്കര ബിഷപ് ഹോഡ്ജസ് ഹയർ സെക്കൻഡറി സ്കൂൾ വിദ്യാർഥികളായിരുന്നു. കുറത്തികാട് എൻ.എസ്.എസ് ഹൈസ്കൂളിൽ പത്താം ക്ലാസിൽ പഠിച്ചപ്പോഴും ഇവർക്ക് എല്ലാ വിഷയങ്ങൾക്കും എ പ്ലസ് കിട്ടിയിട്ടുണ്ട്. ഫിസിക്‌സ്, മാത്‌സ്‌ വിഷയങ്ങളിൽ ബിരുദ കോഴ്‌സിന്​ ചേരാനാണ് താൽപര്യം. photo