പൊലീസ്​ കൈ കാണിക്കണം; കുട്ടികൾക്ക്​ റോഡ്​ കടക്കാൻ

അരൂർ: ദേശീയപാതക്കരികിലെ സ്കൂളുകൾക്കു മുന്നിൽ പൊലീസിനെ നിയോഗിക്കണമെന്ന ആവശ്യം ശക്തം. സ്കൂൾ ആരംഭിക്കുന്ന സമയത്തും വൈകീട്ടും ദേശീയപാത മുറിച്ചുകടക്കാൻ കുട്ടികൾ വളരെനേരം നിൽക്കേണ്ടിവരുകയാണ്​. ചന്തിരൂർ ഗവ. ഹയർ സെക്കൻഡറി സ്കൂൾ, മേഴ്സി ഹൈസ്കൂൾ, അരൂർ പള്ളി സ്കൂൾ തുടങ്ങിയ ഇടങ്ങളിൽ ദേശീയപാത മുറിച്ചുകടക്കാൻ നാട്ടുകാർതന്നെ ഗതാഗതം നിയന്ത്രിക്കേണ്ടിവരും. അണമുറിയാതെ വാഹനങ്ങൾ എത്തുന്ന സമയമാണ് രാവിലെയും വൈകീട്ടും. ഈ സമയത്താണ് കുട്ടികൾ പൊതുനിരത്തിലേക്ക് ഇറങ്ങുന്നത്. സ്കൂളുകൾക്കു മുന്നിൽ പൊലീസിനെ നിയോഗിച്ചില്ലെങ്കിൽ പ്രത്യക്ഷ സമരം നടത്തുമെന്ന് ഐ.എൻ.എൽ ജില്ല ജനറൽ സെക്രട്ടറി ബി. അൻഷാദ് പറഞ്ഞു. ചിത്രം ചന്തിരൂർ ഗവ. സ്കൂളി‍ൻെറ മുൻവശത്ത് കുട്ടികൾ റോഡ് മുറിച്ചുകടക്കുന്നു