സൈനികക്ഷേമ ഓഫിസ് പ്രവർത്തനം ആരംഭിച്ചു

ചെങ്ങന്നൂര്‍: എം.സി റോഡരികിൽ ചെങ്ങന്നൂർ നഗരത്തിൽ വെള്ളാവൂർ ജങ്​ഷന്​ സമീപം പുതുതായി നിര്‍മിച്ച സൈനിക റെസ്റ്റ് ഹൗസിന്റെ ഉദ്ഘാടനം മന്ത്രി സജി ചെറിയാന്‍ നിര്‍വഹിച്ചു. യോഗത്തിൽ നഗരസഭ ചെയര്‍പേഴ്‌സൻ മറിയാമ്മ ജോണ്‍ ഫിലിപ് അധ്യക്ഷതവഹിച്ചു. സൈനികക്ഷേമവകുപ്പ് പ്രിന്‍സിപ്പല്‍ സെക്രട്ടറി ഡോ. രാജു നാരായണസ്വാമി റിപ്പോര്‍ട്ട് അവതരിപ്പിച്ചു. നിര്‍മിതി കേന്ദ്രം റീജനല്‍ എന്‍ജിനീയര്‍ ലേഖ രാജന്‍ വിഷയാവതരണം നടത്തി. സൈനികക്ഷേമ വകുപ്പ് ഡയറക്ടര്‍ ഇന്‍ചാര്‍ജ് റിട്ട. ക്യാപ്റ്റന്‍ വിനോദ് മാത്യു, വാര്‍ഡ് കൗണ്‍സിലര്‍ സിനി ബിജു, റിട്ട. വിങ്​ കമാന്‍ഡര്‍ വി.ആർ. സന്തോഷ് എന്നിവര്‍ സംസാരിച്ചു.