അഗ്നിപഥ്: കേന്ദ്ര സർക്കാറിന്‍റേത് നിഗൂഢ തീരുമാനം -കെ.പി.സി.സി മൈനോരിറ്റി വിഭാഗം

ആലപ്പുഴ: അഗ്നിപഥ് വിഷയത്തിൽ കേന്ദ്ര സർക്കാറിന്‍റേത് നിഗൂഢ തീരുമാനമാണെന്നും ഇതിനെതിരെ കേരള പ്രദേശ് കോൺഗ്രസ് മൈനോരിറ്റി വിഭാഗം പ്രക്ഷോഭം സംഘടിപ്പിക്കുമെന്നും സംസ്ഥാന ചെയർമാൻ അഡ്വ. ഷിഹാബുദ്ദീൻ കാരിയത്ത് വ്യക്തമാക്കി. ഡി.സി.സി ഹാളിൽ മൈനോരിറ്റി വിഭാഗം ജില്ല കമ്മിറ്റി സംഘടിപ്പിച്ച നേതൃസമ്മേളനത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ജീവകാരുണ്യ പ്രവർത്തിയിലധിഷ്ഠിതമായ പുതിയൊരു രാഷ്ട്രീയ പ്രവർത്തന രീതിക്ക് സംഘടന രൂപംനൽകുമെന്നും സംസ്ഥാന ചെയർമാൻ പറഞ്ഞു. ഡി.സി.സി പ്രസിഡന്‍റ്​ ബി. ബാബു പ്രസാദ് സമ്മേളനം ഉദ്ഘാടനം ചെയ്തു. ജില്ല ചെയർമാൻ മൈക്കിൾ പി. ജോൺ അധ്യക്ഷത വഹിച്ചു. കെ.പി.സി.സി ജനറൽ സെക്രട്ടറിമാരായ എ.എ. ഷുക്കൂർ, എം.ജെ. ജോബ്, മുൻ എം.എൽ.എ ഷാനിമോൾ ഉസ്മാൻ, എൻ.എം. അമീർ, എസ്.എം. ഷെറീഫ്, സഞ്ജീവ് ഭട്ട്, അഡ്വ. ഷുക്കൂർ, ജോളി പവേലിൽ, സി.വി. മനോജ്, ജെ. ഹാഷിം, എം.എസ്. നൗഷാദ്, എസ്. ഷംസുദ്ദീൻ, സണ്ണി ജോർജ്, അഡ്വ. അഫാൻ, കെ.എസ്. ഡൊമിനിക്, തോമസ് ജോൺ, നജീബ് കപ്പകശ്ശേരി, ബെൻസി മോൻ, എ.എം. ഷാജഹാൻ എന്നിവർ സംസാരിച്ചു. ഫോട്ടോ: കേരള പ്രദേശ് കോൺഗ്രസ്​ മൈനോരിറ്റി വിഭാഗം സംഘടിപ്പിച്ച നേതൃസമ്മേളനം ഡി.സി.സി പ്രസിഡന്‍റ് അഡ്വ. ബി. ബാബുപ്രസാദ് ഉദ്ഘാടനം ചെയ്യുന്നു