ഹരിതകർമസേനക്ക് കിട്ടിയ സ്വർണമോതിരം ഉടമക്ക്​ തിരികെ നൽകി

മാന്നാർ: ഗ്രാമ പഞ്ചായത്തിലെ കുട്ടമ്പേരൂർ പതിനൊന്നാം വാർഡിൽ ഹരിതകർമ സേനാംഗങ്ങളായ ഗീത, ഓമന ഭരതൻ എന്നിവർക്ക് മിനി എം.സി.എഫിൽ പ്ലാസ്റ്റിക് തരം തിരിക്കുന്നതിനിടെ കളഞ്ഞുകിട്ടിയ സ്വർണ മോതിരം പ്രസിഡന്‍റ്​ ടി.വി. രത്നകുമാരി വൈസ് പ്രസിഡന്‍റ്​ സുനിൽ ശ്രദ്ധേയത്തിന്‍റെയും സാന്നിധ്യത്തിൽ പഞ്ചായത്ത് സെക്രട്ടറി കെ.പി. ബിജു ഉടമയായ പറമ്പിൽ വീട്ടിൽ ശശികലയ്​ക്ക് കൈമാറി. ക്ഷേമകാര്യ സ്ഥിരം സമിതി ചെയർമാൻ സലിം പടിപ്പുരക്കൽ, മെംബർമാരായ മധു പുഴയോരം, സുജാത മനോഹരൻ, കൃഷി ഓഫിസർ പി.സി. ഹരികുമാർ എന്നിവർ സന്നിഹിതരായിരുന്നു.