സി. ഗോമതിക്ക് നാടിന്‍റെ അന്ത്യാഞ്‌ജലി

ചാരുംമൂട്: പാലമേൽ ഗ്രാമപഞ്ചായത്ത് മുൻ പ്രസിഡന്‍റും നൂറനാട് എരുമക്കുഴി ഗവ.എൽ.പി.എസ് മുൻ പ്രധാന അധ്യാപികയുമായിരുന്ന . ഭർത്താവ് പരേതനായ കെ.കെ. കൊച്ചു സി.പി.എം നേതാവും കലാസാംസ്കാരിക പ്രവർത്തകനുമായിരുന്നു. വെള്ളിയാഴ്ച ഉച്ചക്ക് രണ്ടിന് മൃതദേഹം പാലമേൽ ഗ്രാമപഞ്ചായത്ത് ഓഫിസ് അങ്കണത്തിൽ പൊതുദർശനത്തിന്​ വെച്ചു. ജനപ്രതിനിധികളും പൊതുപ്രവർത്തകരും നാട്ടുകാരുമടക്കം നൂറുകണക്കിനുപേർ അന്ത്യാഞ്ജലി അർപ്പിച്ചു. തുടർന്ന്​ നടന്ന അനുശോചന യോഗത്തിൽ ഗ്രാമ പഞ്ചായത്ത് പ്രസിഡന്‍റ്​ ബി.വിനോദ് അധ്യക്ഷത വഹിച്ചു. പി.എൻ. പ്രമോദ് നാരായൺ എം.എൽ.എ, ഭരണിക്കാവ് ബ്ലോക്ക് പഞ്ചായത്ത് പ്രസിഡന്‍റ്​ എസ്.രജനി, ഗ്രാമപഞ്ചായത്ത് മുൻ പ്രസിഡന്‍റുമാരായ എസ്.സജി, ഓമന വിജയൻ, പഞ്ചായത്ത് അംഗം വേണു കാവേരി, വിശ്വൻ പടനിലം, ആർ. ശശികുമാർ തുടങ്ങിയവർ സംസാരിച്ചു. ഫോട്ടോ: പാലമേൽ ഗ്രാമ പഞ്ചായത്ത് ഓഫിസ് അങ്കണത്തിൽ പൊതുദർശനത്തിനുവെച്ച മുൻ പ്രസിഡന്‍റ്​ സി.ഗോമതിയുടെ മൃതദേഹത്തിൽ പി.എൻ. പ്രമോദ് നാരായൺ എം.എൽ.എ അന്ത്യാഞ്ജലി അർപ്പിക്കുന്നു