രക്തദാനത്തിന്​ ഡി.വൈ.എഫ്​.ഐ ജില്ല കമ്മിറ്റിക്ക്​ സർക്കാർ പുരസ്​കാരം

ആലപ്പുഴ: കഴിഞ്ഞ ഒരുവർഷം സംസ്ഥാനതലത്തിൽ ഏറ്റവും കൂടുതൽ രക്തദാനം നടത്തിയ സംഘടനകൾക്ക് സർക്കാർ നൽകുന്ന പുരസ്കാരം ഡി.വൈ.എഫ്​.ഐ ആലപ്പുഴ ജില്ല കമ്മിറ്റിക്ക്​. തിരുവനന്തപുരത്ത് നടന്ന പരിപാടിയിൽ മന്ത്രി വീണ ജോർജിൽനിന്ന്​ ജില്ല പ്രസിഡന്‍റ്​ ജയിംസ് ശാമുവേൽ, സെക്രട്ടറി ആർ. രാഹുൽ, ട്രഷറർ രമ്യ രമണൻ എന്നിവർ ചേർന്ന് പുരസ്കാരം ഏറ്റുവാങ്ങി. കോവിഡ് കാലത്ത് ആലപ്പുഴ മെഡിക്കൽ കോളജ്‌ ആശുപത്രിയിലും സ്ത്രീകളുടെയും കുട്ടികളുടെയും ആശുപത്രിയിലും രക്തംകിട്ടാതെ സാഹചര്യത്തിൽ ഡി.വൈ.എഫ്​.ഐ പ്രവർത്തകർ ശ്രദ്ധേയമായ ഇടപെടൽ നടത്തി. ആലപ്പുഴ മെഡിക്കൽ കോളജ്‌ ആശുപത്രിയിൽ 'ഹൃദയപൂർവം' ഭക്ഷണ വിതരണത്തി‍ൻെറ ഭാഗമായി അഞ്ചുവർഷത്തിലേറെയായി ദിവസവും കുറഞ്ഞത് 10 പേർക്ക്​ രക്തദാനം നടത്തിയതി‍ൻെറ അടിസ്ഥാനത്തിലാണ്​ സന്നദ്ധ സംഘടനകൾക്കുള്ള സർക്കാർ പുരസ്കാരം കിട്ടിയത്​. APL dyfi blood donation ഏറ്റവും കൂടുതൽ രക്തംദാനം നൽകിയ സന്നദ്ധ സംഘടനകൾക്കുള്ള സർക്കാർ പുരസ്കാരം മന്ത്രി വീണ ജോർജിൽനിന്ന്​ ഡി.വൈ.എഫ്​.ഐ ജില്ല പ്രസിഡന്‍റ്​ ജയിംസ് ശാമുവേൽ, സെക്രട്ടറി ആർ. രാഹുൽ, ട്രഷറർ രമ്യ രമണൻ എന്നിവർ ചേർന്ന്​ വാങ്ങുന്നു