ഗവ. ആയുർവേദ ​മെഡിക്കൽ ഓഫിസേഴ്​സ്​ അസോസിയേഷൻ സമ്മേളനത്തിന്​ തുടക്കം

ആലപ്പുഴ: കേരള സ്റ്റേറ്റ്​ ഗവ. ആയുർവേദ മെഡിക്കൽ ഓഫിസേഴ്സ് അസോസിയേഷന്റെ 38ാം സംസ്ഥാന സമ്മേളനത്തിന് ആലപ്പുഴയിൽ തുടക്കമായി. 'പൊതുജനാരോഗ്യ പരിപാലനത്തിൽ അനിവാര്യമാകുന്ന ആയുർവേദം' വിഷയത്തിലെ മാധ്യമ​ സെമിനാർ മന്ത്രി വീണ ജോർജ്​ ഓൺലൈനിൽ ഉദ്ഘാടനം ചെയ്തു. സംസ്ഥാന വൈസ് പ്രസിഡന്‍റ്​​ ഡോ. എൻ. രാജേഷ് അധ്യക്ഷത വഹിച്ചു. പി.പി. ചിത്തരഞ്ജൻ എം.എൽ.എ മുഖ്യപ്രഭാഷണം നടത്തി. എച്ച്​. സലാം എം.എൽ.എ, ഡോ. കെ.എസ്. വിഷ്ണുനമ്പൂതിരി, ഡോ. എ.പി. ശ്രീകുമാർ എന്നിവർ സംസാരിച്ചു. മാധ്യമപ്രവർത്തകരായ ഭാസി പാങ്ങിൽ, ലിസ്മി എലിസബത്ത് ആന്‍റണി എന്നിവർ വിഷയം അവതരിപ്പിച്ചു. സംസ്ഥാന ജോയന്‍റ്​​ സെക്രട്ടറി ഡോ. എം.എസ്. നൗഷാദ്, പ്രസ് ക്ലബ് പ്രസിഡന്‍റ്​ സജിത്ത്​, മാധ്യമപ്രവർത്തകരായ ഗോപകുമാർ, സുശീൽകുമാർ, സംജദ് നാരായണൻ, ശരണ്യ സ്നേഹജൻ, ഡോ. വി.ജി. ജയരാജ്, ഡോ. രാജശേഖരൻ, ഡോ. ഹരികുമാർ നമ്പൂതിരി എന്നിവർ സംസാരിച്ചു. ഞായറാഴ്ച രാവിലെ 10ന്​ പ്രതിനിധി സമ്മേളനം കേന്ദ്രമന്ത്രി വി. മുരളീധരൻ ഉദ്ഘാടനം ചെയ്യും. ഉച്ചക്ക് രണ്ടിന് ശാസ്ത്ര സെമിനാർ മന്ത്രി സജി ചെറിയാൻ ഉദ്ഘാടനം ചെയ്യും. APG ayurvedic കേരള സ്റ്റേറ്റ്​ ഗവ. ആയുർവേദ മെഡിക്കൽ ഓഫിസേഴ്സ് അസോസിയേഷന്റെ 38ാം സംസ്ഥാന സമ്മേളനത്തിന്‍റെ ഭാഗമായി ആലപ്പുഴയിൽ നടന്ന മാധ്യമ സെമിനാർ മന്ത്രി വീണ ജോർജ്​ ഓൺലൈനിൽ ഉദ്ഘാടനം ചെയ്യുന്നു