ഒടുവിൽ രണ്ടാംറാങ്കുകാരന്​ ജോലികിട്ടി; നിയമന ഉത്തരവിറങ്ങി

ആലപ്പുഴ: ജില്ല ഹോമിയോ ആശുപത്രിയിലെ താൽക്കാലിക ഫിസിയോതെറപ്പി നിയമന വിവാദത്തിനൊടുവിൽ രണ്ടാംറാങ്കുകാരന്​ ജോലികിട്ടി. മാനദണ്ഡം പാലിക്കാതെ റാങ്ക്​ലിസ്റ്റ്​ മറികടന്ന്​ മറ്റൊരാളെ നിയമിച്ചതിനെതിരെ​ നൽകിയ പരാതിക്കൊടുവിലാണ്​ രണ്ടാംറാങ്കുകാരനും ഫിസിയോതെറപ്പിസ്​റ്റുമായ​ ആഷിഖ് ഹൈദർ അലിക്ക്​ ജോലികിട്ടിയത്​. ശനിയാഴ്​ച മുതൽ ജോലിക്ക്​ ഹാജരാകണമെന്നുകാണിച്ച്​ ജില്ല മെഡി​ക്കൽ ഓഫിസർ (ഹോമിയോ) ഡോ. ജെ. ബോബൻ ഉത്തരവിറക്കി. റോഡ്​ അപകടവുമായി ബന്ധപ്പെട്ട്​ നിലവിലെ ഫിസിയോതെറപ്പിസ്​റ്റ്​ അവധിയിൽ പ്രവേശിച്ച സാഹചര്യത്തിൽ ദിവസവേതനാടിസ്ഥാനത്തിലാണ്​ നിയമനമെന്നും പറയുന്നുണ്ട്​. ​