മിനിറ്റ്​സ്​ പകർപ്പ്​ നൽകിയില്ല; യു.ഡി.എഫ്​ നഗരസഭ സെക്രട്ടറിയെ ഉപരോധിച്ചു

കായംകുളം: നഗരസഭ കൗൺസിൽ യോഗങ്ങളുടെ മിനിറ്റ്സ് പകർപ്പ് നൽകാത്തതിൽ പ്രതിഷേധിച്ച് യു.ഡി.എഫ് കൗൺസിലർമാർ സെക്രട്ടറിയെ ഉപരോധിച്ചു. എട്ട് കൗൺസിലുകളുടെ മിനിറ്റ്സാണ് നൽകാനുള്ളത്. പൊലീസ് എത്തിയതിനെത്തുടർന്ന് നടന്ന ചർച്ചയിൽ വെള്ളിയാഴ്ച ഉച്ചക്ക് മുമ്പ്​ മിനിറ്റ്സ് നൽകാമെന്ന ഉറപ്പിലാണ് സമരം അവസാനിപ്പിച്ചത്. പാർലമെന്‍ററി പാർട്ടി ലീഡർ സി.എസ്. ബാഷ, കെ. പുഷ്പദാസ്, എ.പി. ഷാജഹാൻ, പി.സി. റോയ്, അംബിക, അൻസാരി കോയിക്കലേത്ത്, സുമിത്രൻ, ബിജു നാസറുള്ള എന്നിവർ സംസാരിച്ചു. ചിത്രം: APLKY2UDF കായംകുളം നഗരസഭ സെക്രട്ടറിയെ യു.ഡി.എഫ് കൗൺസിലർമാർ ഉപരോധിക്കുന്നു