അരൂരിൽ ഫലവൃക്ഷ നഴ്സറി വിജയം

അരൂർ: ലോകപരിസ്ഥിതി ദിനമായ ഞായറാഴ്ച വിതരണത്തിനായി ഫലവൃക്ഷത്തൈ നഴ്സറി ഒരുക്കി. അരൂരിലെ സുപ്രിയ തൊഴിലുറപ്പ്​ കൂട്ടായ്മ നേതൃത്വത്തിലാണ്​ വൃക്ഷത്തൈ നഴ്സറി പരിപാലനം നടത്തിയത്. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി വനം വകുപ്പ്​ സഹകരണത്തോടെയാണ് പദ്ധതി നടപ്പാക്കിയത്. ഫലവൃക്ഷത്തൈ വിതരണോദ്ഘാടനം അരൂർ ഗ്രാമപഞ്ചായത്ത്‌ പ്രസിഡന്റ് അഡ്വ. രാഖി ആന്റണി നിർവഹിച്ചു. വാർഡ്​ അംഗം ഒ.കെ. മോഹനൻ അധ്യക്ഷത വഹിച്ചു. തൊഴിലുറപ്പ് സംഘം അധ്യക്ഷ പ്രകാശിനി, ബ്ലോക്ക് പഞ്ചായത്ത് അംഗം വിജയകുമാരി, അരൂർ പഞ്ചായത്ത് വൈസ് പ്രസിഡന്‍റ്​ എം.പി. ബിജു, പഞ്ചായത്ത് അംഗങ്ങളായ ബി.കെ. ഉദയകുമാർ, കൃഷി ഓഫിസർ ആനി പി. വർഗീസ്, പഞ്ചായത്ത് അസി. സെക്രട്ടറി ശ്യാംകുമാർ, ഗ്രാമ സേവകൻ ഉണ്ണിക്കുട്ടൻ എന്നിവർ പങ്കെടുത്തു, വാർഡിലെ കുടുംബശ്രീ ഗ്രൂപ്പുകൾക്ക് തൈകൾ വിതരണവും നടത്തി. 10,000 തൈകളാണ്​ ഈ നഴ്സറിയിൽ ഉൽപാദിപ്പിച്ചത്​. ചിത്രം: ഫലവൃക്ഷത്തൈ വിതരണോദ്ഘാടനം അരൂർ പഞ്ചായത്ത് പ്രസിഡൻറ് രാഖി ആൻറണി നിർവഹിക്കുന്നു