അക്ഷരവസന്തം വിരിയിക്കാൻ കുരുന്നുകൾ വിദ്യാലയങ്ങളിലെത്തി

അമ്പലപ്പുഴ: കളിയും ചിരിയും പാട്ടുമായി . വിവിധ സ്കൂളുകളിൽ അധ്യാപകരുടെയും ജനപ്രതിനിധികളുടെയും സ്കൂൾ വികസന സമിതികളുടെയും നേതൃത്വത്തിൽ ഉത്സവാന്തരീക്ഷത്തിലായിരുന്നു പ്രവേശനോത്സവം. ആലപ്പുഴ ഉപജില്ലതല പ്രവേശനോത്സവം പറവൂർ ഗവ. ഹൈസ്കൂളിലും അമ്പലപ്പുഴയിലേത്​ കരൂർ ഗവ. ന്യൂ എൽ.പി സ്കൂളിലും എച്ച്. സലാം എം.എൽ.എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ്​ അഡ്വ. ഷീബ രാകേഷ്, പുറക്കാട് പഞ്ചായത്ത് പ്രസിഡന്‍റ്​ എ.എസ്. സുദർശനൻ എന്നിവർ അധ്യക്ഷത വഹിച്ചു. നീർക്കുന്നം എസ്.ഡി.വി ഗവ. യു.പി സ്കൂൾ, പുന്നപ്ര അംബേദ്കർ മോഡൽ റെസിഡൻഷ്യൽ സ്കൂൾ എന്നിവിടങ്ങളിലെ പ്രവേശനോത്സവവും എം.എൽ.എ ഉദ്​ഘാടനം ചെയ്തു. പുന്നപ്ര ബീച്ച് എൽ.പി സ്കൂളിലെ നവീകരിച്ച കെട്ടിടവും തുറന്നു. കലക്ടർ ഡോ. രേണുരാജ്, പഞ്ചായത്ത് പ്രസിഡന്‍റുമാരായ എസ്. ഹാരിസ്, പി.ജി. സൈറസ്, സജിത സതീശൻ, ജില്ല -ബ്ലോക്ക് -ഗ്രാമ പഞ്ചായത്തംഗങ്ങൾ, സ്കൂൾ മാനേജ്മെന്‍റ്​​ കമ്മിറ്റി ഭാരവാഹികൾ എന്നിവർ പങ്കെടുത്തു. ഡി.വൈ.എഫ്.ഐ പ്രവർത്തകരുടെ നേതൃത്വത്തിൽ വിവിധ സ്കൂളുകളിൽ നോട്ട്ബുക്ക് വിതരണവും നടത്തി. പടം ആലപ്പുഴ ഉപജില്ലതല പ്രവേശനോത്സവം പറവൂർ ഗവ. ഹൈസ്കൂളില്‍ എച്ച്. സലാം എം.എല്‍.എ നിര്‍വഹിക്കുന്നു