ബഹുനിലമന്ദിരം ഉദ്ഘാടനം ചെയ്തു

മാവേലിക്കര: അഞ്ച് കോടി ചെലവിട്ട് സംസ്ഥാന സര്‍ക്കാര്‍ മാവേലിക്കര ഗവ. ഗേള്‍സ് എച്ച്.എസ്.എസിനായി നിര്‍മിച്ചു നല്‍കിയ ബഹുനിലമന്ദിരം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. മാവേലിക്കരയില്‍ സ്‌കൂള്‍ അങ്കണത്തില്‍ നടന്ന ചടങ്ങില്‍ മാവേലിക്കര നഗരസഭ അധ്യക്ഷന്‍ കെ.വി. ശ്രീകുമാര്‍ അധ്യക്ഷത വഹിച്ചു. എം.എസ്. അരുണ്‍കുമാര്‍ എം.എല്‍.എ ശിലാഫലകം അനാച്ഛാദനം ചെയ്തു. മുന്‍ എം.എല്‍.എ ആര്‍. രാജേഷ്, എസ്‌.ഐ.ഇ.ടി ഡയറക്ടര്‍ അബുരാജ് എന്നിവര്‍ മുഖ്യാതിഥികളായി.