ഓടയുടെ സ്ലാബ് തകർന്നു

മാന്നാർ: സ്റ്റോർ ജങ്​ഷൻ ബസ്​സ്റ്റാൻഡിനു സമീപത്തെ റോഡിലെ ഓടയുടെ സ്ലാബ് തകർന്നത് അപകടഭീഷണിയുയർത്തുന്നു. തിരക്കേറിയ മാന്നാർ -പുലിയൂർ പൊതുമരാമത്ത് റോഡിനോടു ചേർന്നുള്ള ഓട പൊതുമരാമത്ത് വകുപ്പിന്റെ അധീനതയിലുള്ളതാണ്. ഓട്ടോറിക്ഷ സ്റ്റാൻഡ്​, ട്രാൻസ്ഫോർമർ എന്നിവ സമീപത്തായിട്ടുണ്ട്. തിരക്കേറിയ ഇവിടെ സ്ലാബ്​ തകർന്നത്​ യാത്രക്കാർക്കും കാൽനടക്കാർക്കും ഭീഷണിയാണ്​.