കുട്ടികളുടെ വാക്സിനേഷൻ: സൗകര്യമില്ലായ്മയിൽ പ്രതിഷേധം

കായംകുളം: കുട്ടികളുടെ വാക്സിനേഷൻ പ്രക്രിയയിൽ കായംകുളം ടൗണിന്‍റെ വടക്ക് ഭാഗത്ത് സൗകര്യം ഒരുക്കാത്തതിൽ പ്രതിഷേധം. പുല്ലുകുളങ്ങര എൻ.ആർ.പി.എം, നഗരമധ്യത്തിലെ സെന്‍റ്​ മേരീസ് എന്നിവിടങ്ങളിൽ മാത്രമാണ് സൗകര്യം ഒരുക്കിയത്. അഞ്ചോളം സ്കൂളുകളും ആയിരക്കണക്കിന് വിദ്യാർഥികളുമുള്ള വടക്കൻ ഭാഗത്തുകൂടി സൗകര്യം ഒരുക്കുന്നതിലാണ്​ വീഴ്ച വന്നത്. നഗരസഭയുടെ വടക്കേ അറ്റത്തുള്ള ഗവ. ടൗൺ യു.പി.എസിൽ സൗകര്യം ഒരുക്കണമെന്ന ആവശ്യം അധികൃതർ നിരാകരിക്കുകയായിരുന്നു.